(VOVWORLD) - សំដៅលើកតម្កើងនិងចងចាំនូវគុណូបការៈរបស់ជនកុម្មុយនិស្តជំនាន់ដំបូងនៃបដិវត្តន៍វៀតណាម សារមន្ទីរប្រវត្តិសាស្ត្រជាតិសហការជាមួយបណ្ណសារដ្ឋាន នៃការិយាល័យមជ្ឈឹមបក្ស បានរៀបចំការតាំងពិព័រណ៍ក្រោមប្រធានបទ “គ្រាប់ពូជក្រហម”។ ការតាំងពិព័រណ៍នេះ បានប្រព្រឹត្តទៅនៅសារមន្ទីរប្រវត្តិសាស្ត្រជាតិ លេខ ២៥ Tong Dan ខណ្ឌ Hoan Kiem ទីក្រុងហាណូយ។

(VOVWORLD) - នៅឆ្នាំ២០២៣ ទីក្រុង Hai Phong បានទាក់ទាញទុនវិនិយោគបរទេសរហូតដល់ ៣,៥ ពាន់លានដុល្លារអាមេរិក មណ្ឌលឧស្សាហកម្មចំនួន ១៤ នៅទីក្រុង Hai Phong នាបច្ចុប្បន្នបានទាក់ទាញការវិនិយោគជិត ៨០០ គម្រោង ក្នុងនោះ មានការវិនិយោគផ្ទាល់ពីបរទេស(FDI) ចំនួនជាង ៥០០គម្រោង។ ជាមួយនឹងការកសាងមណ្ឌលឧស្សាហកម្មថ្មី ទីក្រុង Hai Phong កំពុងជំរុញការបង្កើតតំបន់សេដ្ឋកិច្ចឆ្នេរសមុទ្រនៅភាគខាងត្បូងរបស់ទីក្រុង ដើម្បីបើកឱកាសថ្មីសម្រាប់ការអភិវឌ្ឍន៍ទីក្រុង និងតភ្ជាប់បណ្តាមណ្ឌលឧស្សាហកម្មឆ្នេរសមុទ្រ បង្កើតកម្លាំងចលករថ្មីសម្រាប់ទីក្រុងនិងតំបន់ដីសណ្ដទន្លេក្រហមទាំងមូល។

(VOVWORLD) - ទីក្រុងហូជីមិញបានកំណត់គោលដៅទទួលភ្ញៀវអន្តរជាតិចំនួន ៦ លាននាក់ និងភ្ញៀវក្នុងស្រុកចំនួន ៣៨ លាននាក់នៅឆ្នាំ២០២៤នេះ។ បើទោះបីជាស្ថានភាពសេដ្ឋកិច្ចអន្តរជាតិត្រូវបានព្យាករណ៍នឹងបន្តជួបការលំបាកក៏ដោយ  ប៉ុន្តែជាមួយនឹងផលិតផលថ្មីៗ ចម្រុះនិងប្រកបដោយគុណភាពខ្ពស់... ទេសចរណ៍របស់ទីក្រុងនៅតែមានទំនុកចិត្តនឹងសម្រេចបាននិងលើសពីគោលដៅក្នុងឆ្នាំនេះ។

(VOVWORLD) - ក្នុងបរិបទដែលសេដ្ឋកិច្ចពិភពលោកមានកំណើនទាប ទីផ្សារហិរញ្ញវត្ថុមានហានិភ័យជាច្រើនដែលនាំឱ្យមាននិន្នាការរឹតបន្តឹងលើការចំណាយរបស់អតិថិជន ដែលក្នុងនោះវាយនភ័ណ្ឌកាត់ដេរតែងតែស្ថិតក្នុងចំណោមមុខទំនិញទាំង ៥ ដែលត្រូវបានកាត់បន្ថយ។ ទន្ទឹមនឹងនោះ គឺតម្រូវការជាបន្តបន្ទាប់អំពីទំនិញនាំចេញទាក់ទង់នឹងបញ្ហាបរិស្ថាន សង្គម និងអភិបាលកិច្ច។ ធុរកិច្ចវាយនភ័ណ្ឌកាត់ដេរវៀតណាមបាននិងកំពុងផ្លាស់ប្តូរយ៉ាងឆាប់រហ័ស តាមទិសអភិវឌ្ឍន៍ប្រកបដោយចីរភាពផង បត់បែនឆ្លើយតបនឹងស្ថានភាពផ្លាស់ប្តូរនិងរៀបចំប្រភពធនធានសមស្របដើម្បីបង្កើតឧត្តមភាពប្រកួតប្រជែងនិងកំណើនឡើងវិញផងដែរ។

(VOVWORLD) - ដោយមានចំនួនប្រជាជនជាង ១០០ លាននាក់ ក្នុងនោះ វណ្ណៈកណ្តាលស្រូបយក ២០% វៀតណាមគឺជាទីផ្សារសក្តានុពលសម្រាប់សេវាកម្មទំនិញ ការប្រើប្រាស់ និងលក់រាយ។ ក្នុងបរិបទដែលសេដ្ឋកិច្ចពិភពលោកនៅជួបការលំបាក ការនាំចេញមិនទាន់បានដូចការរំពឹងទុកនោះ រដ្ឋាភិបាលវៀតណាមកំពុងខំប្រឹងប្រែងអនុវត្តគោលនយោបាយជាច្រើន សំដៅពង្រីកបណ្តាញចែកចាយ កសាងពាណិជ្ជសញ្ញា ជំរុញតម្រូវការប្រើប្រាស់ក្នុងស្រុក ដោយចាត់ទុកនេះ ជា “សន្ទុះ” វិជ្ជមានសម្រាប់កំណើនសេដ្ឋកិច្ចក្នុងឆ្នាំ២០២៤។

(VOVWORLD) - នៅថ្ងៃដំបូងនៃឆ្នាំ២០២៤នេះ ផ្លូវល្បឿនលឿន Dong Dang (Lang Son) - Tra Linh (Cao Bang) ត្រូវបានបើកការដ្ឋានសាងសង់ជាផ្លូវការ។ ផ្លូវនេះត្រូវបានរំពឹងថានឹងរួមចំណែកយ៉ាងសំខាន់ក្នុងការដោះស្រាយ "ការកក់ស្ទះ" នៅក្នុងហេដ្ឋារចនាសម្ព័ន្ធដឹកជញ្ជូន ជួយឱ្យសេដ្ឋកិច្ចរបស់ខេត្ត Cao Bang មានរបកគំហើញយ៉ាងខ្លាំង។

(VOVWORLD) - ការនាំចេញទំនិញកំពុងឈានចួលដំណាក់កាលកំពូលនៅប៉ុន្មានថ្ងៃចុងឆ្នាំ ២០២៣ ដោយមានការបញ្ជាទិញជាច្រើន បម្រើតម្រូវការអំណរឆ្នាំថ្មីរបស់ទីផ្សារជុំវិញពិភពលោក។ ទាំងអស់នេះបានសន្យានូវលទ្ធផលខ្ពស់បំផុតក្នុងសកម្មភាពពាណិជ្ជកម្មអន្តរជាតិរបស់វៀតណាមក្នុងឆ្នាំ ២០២៣។ យោងតាមការព្យាករណ៍ តម្លៃនាំចេញរបស់វៀតណាមអាចនឹងសម្រេចបានជាង ៣៥០ ពាន់លានដុល្លារក្នុងឆ្នាំ ២០២៣។

(VOVWORLD) - ការអភិវឌ្ឍ និងតភ្ជាប់ គំរូកំពង់ផែសមុទ្របៃតង គឺជានិន្នាការមួយនៅក្នុងខ្សែសង្វាក់សេវាកម្ម Logistic នៅវៀតណាម ដោយបានចាប់ផ្តើមសាកល្បងនៅឆ្នាំនេះ មុនពេលក្លាយជាលក្ខណៈវិនិច្ឆ័យអនុវត្តន័ចាប់បង្ខំនៅឆ្នាំ ២០៣០។ ក្នុងនិន្នាការនោះ ខេត្តក្រុងនានាក្នុងតំបន់ណាមបូខាងកើត ដែលមានគុណសម្បត្តិជាច្រើនក្នុងការដឹកជញ្ជូនតាមផ្លូវសមុទ្រ បាននិងកំពុងអនុវត្តយ៉ាងសកម្មនូវគំរូមួយដែលមានតុល្យភាពរវាងតម្រូវការនៃការអភិវឌ្ឍន៍សេដ្ឋកិច្ច និងការការពារបរិស្ថាន។

(VOVWORLD) - នាប៉ុន្មានឆ្នាំកន្លងទៅ ស្រុកព្រៃភ្នំចំនួនពីរគឺ Nam Dong និង A Luoi របស់ខេត្ត Thua Thien Hue បានរក្សាប្រជុំផ្សារនៅតំបន់ខ្ពង់រាប ជារៀងរាល់ថ្ងៃចុងសប្តាហ៍ និងចុងខែ។ ប្រជុំផ្សារទាំងនេះ បានជួយតភ្ជាប់ការប្រើប្រាស់ផលិតផលកសិកម្មនៅតំបន់ខ្ពង់រាប រួមចំណែកអភិរក្សម្ហូបអាហារពិសេសរបស់ជនជាតិភាគតិច និងជំរុញទេសចរណ៍វប្បធម៌ប្រពៃណីនៅក្នុងមូលដ្ឋាន។