ឯកអគ្គរដ្ឋទូតរុស្ស៊ីប្រចាំនៅវៀតណាមលោក Andrey Kovtun (VOV)         Vovworld-នាថ្ងៃទី២៥ធ្នូនៅទីក្រុងហាណូយ ស្ថានទូតសហព័ន្ធរុស្ស៊ីប្រចាំនៅ​វៀតណាមបានរៀបចំសន្និសីទកាសែតបូកសរុបការអភិវឌ្ឍន៍ទំនាក់ទំនងដៃគូ យុទ្ធសាស្ត្រលើគ្រប់វិស័យរវាងសហព័ន្ធរុស្ស៊ីនិងវៀតណាមក្នុងឆ្នាំ២០១៣។         តាមឯកអគ្គរដ្ឋទូតរុស្ស៊ីប្រចាំនៅវៀតណាមលោក Andrey Kovtun ថា ទំនាក់​ ទំនង​សហព័ន្ធរុស្ស៊ី-វៀតណាមកំពុងបានបើកទូលាយលើគ្រប់វិស័យ។ អំពី​នយោបាយរុស្ស៊ីជានិច្ចកាលចាត់ទុកការជំរុញកិច្ចសហប្រតិបត្តិការជាមួយវៀត ណាមជាអាទិភាពក្នុងគោលនយោបាយកិច្ចការបរទេសរបស់រុស្ស៊ីនៅទ្វិបអាស៊ី។ កិច្ចសហប្រតិបត្តិការសេដ្ឋកិច្ចពាណិជ្ជកម្មរវាងប្រទេសទាំងពីរទទួលបានលទ្ធផល ល្អប្រសើរ។ តំលៃប្រាក់ពាណិជ្ជកម្មទ្វេភាគីទទួលបាន៣,១៥ពាន់លានដុល្លារ​ អាមេរិក​ក្នុងឆ្នាំ២០១៣។ ប្រទេសទាំងពីរខំប្រឹងប្រែងនាំតំលៃប្រាក់ពាណិជ្ជកម្ម ឡើង​៧ពាន់​លានដុល្លារអាមេរិកនាឆ្នាំ២០១៥និង១ម៉ឺនលានដុល្លារអាមេរិកនាឆ្នាំ​ ២០២០។ ឯកអគ្គរដ្ឋទូតរុស្ស៊ីប្រចាំនៅវៀតណាមលោក Andrey Kovtun បាន​សង្កត់ ធ្ងន់​ថា៖         “ទំនាក់ទំនងរវាងយើងជាការយល់ដឹងគ្នាទៅវិញទៅមក គោរពប្រពៃណី​របស់​ គ្នា​និងមនោសញ្ចេតនាយ៉ាងជ្រាលជ្រៅ។ ខ្ញុំសង្ឃឹមថា រាល់ទំនោរសកម្មនា​បច្ចុប្បន្ន​ក្នុងទំនាក់ទំនងរវាងយើងនឹងត្រូវបានភាគីទាំងពីរបន្តខំប្រឹងប្រែងអភិវឌ្ឍន៍​និងគាំទ្រ។ ទំនាក់ទំនងលើច្រើនវិស័យរវាងរុស្ស៊ីនិងវៀតណាមសមស្របនឹងផល​ប្រយោជន៍ របស់ប្រទេសយើងទាំងពីរ ជួយឲ្យវឌ្ឍន៍ភាពសេដ្ឋកិច្ចនិងបច្ចេកវិទ្យា​របស់ប្រទេស ទាំងពីរ រួមចំណែកទៅក្នុងការពង្រឹងសន្តិភាពនិងស្ថិរភាពនៅដំបន់​អាស៊ី-ប៉ាស៊ីហ្វិក៕”