ទិដ្ឋភាពនៅសន្និសីទ។ (រូបថត៖ VOV) ថ្លែងនៅក្នុងសន្និសីទនេះ លោក Phung Duc Tien អនុរដ្ឋមន្ត្រីក្រសួងកសិកម្ម និងបរិស្ថាន បានឲ្យដឹងថា ក្នុងឆ្នាំនេះ ការនាំចេញកសិ-រុក្ខ-ជលផលទទួលបាន លទ្ធផលលេចធ្លោ ដោយមានទំហំជាង ៧០ ពាន់លានដុល្លារអាមេរិក។ ដើម្បីសម្រេច បានកំណើនបន្ថែមទៀត វិស័យកសិកម្ម ជាពិសេសផ្នែកជលផល ត្រូវការផ្លាស់ប្ដូរថ្មីវិធី សាស្រ្តផលិតកម្ម ការប្រមូលផល និងកែច្នៃ ការអភិវឌ្ឍទីផ្សារ និងលើកកម្ពស់ការ ផ្លាស់ប្តូរឌីជីថល; អភិវឌ្ឍន៍កសិកម្មវិលជុំ អនុវត្តន៍បច្ចេកវិទ្យាខ្ពស់ ធានាសុវត្ថិភាពចំណី អាហារតាមខ្សែសង្វាក់ និងធានាបាននូវការតាមដានប្រភពដើមប្រកបដោយ តម្លាភាព។ លោក Phung Duc Tien អនុរដ្ឋមន្ត្រីក្រសួងកសិកម្ម និងបរិស្ថាន។ “ឆ្នាំនេះ ការនាំចេញជលផលសម្រេចបានទំហំជាង ១១,៣ ពាន់លានដុល្លារ អាមេរិក។ ជលផលរបស់យើង សម្រេចបានសមិទ្ធផលក្នុងបរិបទពិភពលោកដ៏លំបាក ជាទូទៅ ដែលជាប្រការគួរឲ្យអបអរសាទរ និងគួរឱ្យគោរព។ ការនាំចេញជលផលទៅ កាន់សហរដ្ឋអាមេរិកសម្រេចបានទំហំជាង ១,៨ ពាន់លានដុល្លារ ក្នុងនោះបង្គាជាង ៨០០ លានដុល្លារ ត្រីធូណាជាង ៣០០ លានដុល្លារ និងត្រីប្រាជាង ៣០០ លាន ដុល្លារ។ ទីផ្សារអឺរ៉ុប ជារៀងរាល់ឆ្នាំត្រឹមតែសម្រេចបានជាង ៥,៤ ពាន់លានដុល្លារ ប៉ុណ្ណោះ ប៉ុន្តែឆ្នាំនេះប្រហែលជាង ៩ ពាន់លានដុល្លារ។ ក្នុងនោះ នាំចេញត្រីប្រា ប្រហែល ១,៦-១,៧ លានតោន ដែលមានតម្លៃប្រហែល ២,១ ពាន់លានដុល្លារ”។ យោងតាមសមាគមត្រីប្រាវៀតណាម គិតត្រឹមខែវិច្ឆិកា ឆ្នាំនេះ ការនាំចេញត្រី ប្រារបស់វៀតណាមបានលើសពី ២ ពាន់លានដុល្លារជាផ្លូវការ ដែលកើនឡើង ប្រហែល ៩% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។ សហរដ្ឋអាមេរិក និងសហភាពអឺរ៉ុប (EU) នៅតែជាទីផ្សារសំខាន់ចំនួនពីរ ខណៈដែលប្រេស៊ីលបានកត់ ត្រាកំណើនដ៏លេចធ្លោចំនួន ៥១%៕