ទិដ្ឋភាពនៃកម្មវិធីសម្តែងសិល្បៈ (រូបថត៖  នៅក្នុងសុន្ទរកថាបើក សមាជិកគណៈកម្មាធិការមជ្ឈិមបក្ស អគ្គនាយកវិទ្យុសំឡេងវៀតណាម លោក ដូ ទៀន ស៊ី បានសង្កត់ធ្ងន់ថា មហា សន្និបាតទូទាំងប្រទេសលើកទី១៤ របស់បក្ស គឺជាព្រឹត្តិការណ៍នយោបាយដ៏សំខាន់មួយ ជាសញ្ញាសម្គាល់មួយនៅលើមាគ៌ានៃការអភិវឌ្ឍប្រទេសជាតិ ដោយបើក យុគសម័យថ្មីមួយ - យុគសម័យស្ទុះឈានទៅមុខរបស់ប្រទេសជាតិ សម្រាប់ប្រទេសវៀតណាមប្រកបដោយសុខសន្តិភាព ឯករាជ្យ ប្រជាធិបតេយ្យ វិបុលភាព អរិយធម៌ និងសប្បាយរីករាយ រឹងមាំលើមាគ៌ាសង្គមនិយម។ លោក ដូ ទៀនស៊ី សមាជិកគណៈកម្មាធិការមជ្ឈិមបក្សកុម្មុយនិស្តវៀតណាម និងជាអគ្គនាយកវិទ្យុសំឡេងវៀតណាម (VOV) បានថ្លែងសុន្ទរកថានៅក្នុងកម្មវិធី “ក្នុងនាមជាទីភ្នាក់ងារសារព័ត៌មានជាតិឈានមុខគេ វិទ្យុសំឡេងវៀត ណាមបានផ្តោតលើការផ្សព្វផ្សាយមហាសន្និបាតទូទាំងប្រទេសលើកទី ១៤ របស់បក្ស ដោយរួមចំណែកបង្កើតសាមគ្គីភាពក្នុងការយល់ដឹង និងសកម្មភាពក្នុងបក្សទាំងមូល ប្រជាជនទាំងមូលនិងកងទ័ពទាំងមូល។ វិទ្យុសំឡេងវៀតណាមក៏បានដាក់ចេញនូវចលនាប្រឡងប្រណាំង ឆ្ពោះទៅមហាសន្និបាតបក្សទូទាំងប្រទេស ជាមួយនឹងសកម្មភាពជាក់ស្តែងជាច្រើន រួមទាំងកម្មវិធីសិល្បៈ “សេចក្តីជឿជាក់ជានិរន្តចំពោះបក្ស”  ដែលបង្ហាញពីប្រពៃណីប្រវត្តិសាស្ត្ររបស់ប្រជាជាតិ ការតភ្ជាប់តម្លៃវប្បធម៌ និងការចូលរួមចំណែកក្នុងការបញ្ជាក់ពីមនោសញ្ជេតនា និងទំនុកចិត្តរបស់ប្រជាជនចំពោះបក្ស ដោយបង្ហាញពីសារដ៏ធំគឹ៖ ក្នុងកាលៈទេសៈណាក៏ដោយ ប្រជា ជនតែងតែរក្សាសេចក្តីស្រឡាញ់ជឿជាកក់ចំពោះមាតុភូមិ ទំនុកចិត្ត និងសេចក្តីស្រឡាញ់ជឿជាក់ចំពោះបក្ស និងចងចាំជានិច្ចចំពោះលោកប្រធាន ហូជីមិញដ៏មហិមារ”។ កម្មវិធីនេះត្រូវបានដឹកនាំ  តាមរយៈភាសាវប្បធម៌ និងសិល្បៈ ដោយភ្ជាប់ជម្រៅនៃប្រពៃណីជាមួយនឹងចង្វាក់នៃជីវភាពសហសម័យ ដោយផ្តោត លើសារនៃអារម្មណ៍ និងទំនុកចិត្តរបស់ប្រជាជនចំពោះបក្សក្នុងការដឹកនាំប្រទេសជាតិឆ្លងកាត់រាល់ការលំបាក និងបញ្ហាប្រឈម។ រួមចំណែកក្នុងការបង្កើតបរិយាកាសសោមនស្សន៍រីករាយ និងការឯកភាពគ្នា ដោយជំរុញស្មារតីសាមគ្គីភាព ការទទួលខុសត្រូវ និងសេចក្តីប្រាថ្នាក្នុងការចូលរួមចំណែក៕