ក្រុមប្រឹក្សាអង្គការសហប្រជាជាតិប្រជុំបន្ទាន់ស្ដពីស្ថានភាពជំលោះអ៊ីស្រាអែលនិងលីបង់ (AFP)         Vovworld-ក្រុមប្រឹក្សាអង្គការសហប្រជាជាតិប្រជុំបន្ទាន់ស្ដីពីស្ថានភាព​ជំលោះ ​អ៊ីស្រាអែលនិងលីបង់នាថ្ងៃទី២៨មករាដោយសំណើររបស់បារាំងបន្ទាប់​ពីកើតមាន ឡើងការប៉ះទង្កិចបង្ហូរឈាមនៅព្រំដែនរវាងប្រទេសទាំងពីរនាថ្ងៃ​ដដែល។ នៅកិច្ច ប្រជុំនេះ ក្រុមប្រឹក្សាសន្តិសុខបានថ្កោលទោសការបាញ់​តបត​វិញ​រវាងកំលាំងអ៊ីស្រា អែលជាមួយជនប្រដាប់អាវុធនៃចលនាឥស្លាម Hezbollah របស់លីបង់នាពេលថ្មីៗនេះ អំពាវនាវបណ្ដាភាគីអត់ធ្មត់និងអនុវត្តវិធានការ​សំដៅ​ជៀសវាងភាពតានតឹងឡើង ជណ្ដើរ។         មុននោះក្នុងសំបុត្រផ្ញើរជូនក្រុមប្រឹក្សាសន្តិសុខនិងអគ្គលេខាធិការលោក Ban Ki moon ឯកអគ្គរដ្ឋទូតអ៊ីស្រាអែលប្រចាំនៅអង្គការសហប្រជាជាតិលោក Ron Prosor បានអះអាងថា Tel Aviv នឹងស្វ័យការពារដោយគ្រប់​វិធានការ​ចាំបាច់។ អាមេរិក ប្រកាសគាំទ្រសិទ្ធិស្វ័យការពារស្របច្បាប់របស់អ៊ីស្រាអែល​និងដាស់តឿនភាគីនានា គោរពខ្សែព្រំដែនរវាងអ៊ីស្រាអែលនិងលីបង់៕