លោកឯកអគ្គរដ្ឋទូត Pham Hai Anh ភារៈធារីវៀតណាមប្រចាំ អ.ស.ប។ (រូបថត៖ VOV) នៅថ្ងៃទី១៥ ខែធ្នូ (តាមម៉ោងទីក្រុងញូវយ៉ក) ក្រុមប្រឹក្សាសន្តិសុខអង្គការសហ ប្រជាជាតិ (អ.ស.ប) បានបើកកិច្ចប្រជុំអំពីស្ថានការណ៍ស៊ូដង់ខាងត្បូង និងប្រតិបត្តិការ នៃបេសកកម្មរក្សាសន្តិភាពអ.ស.បប្រចាំប្រទេសនេះ (UNMISS)។ នៅកិច្ចប្រជុំ លោកឯកអគ្គរដ្ឋទូត Pham Hai Anh ភារៈធារីវៀតណាមប្រចាំ អ.ស.បបានថ្លែងអំណរគុណដល់ការជួយគាំទ្រនិងចូលរួមយ៉ាងសកម្មរបស់ប្រទេស សមាជិកគណៈកម្មាធិការ ប្រទេសស៊ូដង់ខាងត្បូង ប្រទេសពាក់ព័ន្ធនិងលេខា ធិការដ្ឋានអ.ស.បក្នុងអាណត្តិប្រធានរបស់វៀតណាម។ ទន្ទឹមនឹងនោះ លោកឯកអគ្គរដ្ឋទូត Pham Hai Anh បានវាយតម្លៃខ្ពស់ចំពោះ វឌ្ឍនភាពវិជ្ជមានក្នុងដំណើរការអន្តរកាលនៅស៊ូដង់ខាងត្បូងក្នុងឆ្នាំនេះ ក្នុងកាលៈ ទេសៈដែលប្រទេសនេះប្រារព្ធ ខួបរយៈពេល១០ឆ្នាំទិវាដណ្ដើមបានឯករាជ្យ និង៣ឆ្នាំទិវា បង្កើតកិច្ចព្រមព្រៀងសន្តិភាព។ លោកឯកអគ្គរដ្ឋទូត អំពាវនាវឲ្យភាគីពាក់ព័ន្ធនានា បន្តចូលរួមអនុវត្តន៍យ៉ាងពេញលេញនូវកិច្ចព្រមព្រៀងសន្តិភាពសំដៅឆ្ពោះទៅកាន់ការ បោះឆ្នោតនៅឆ្នាំ២០២៣។ ក្នុងឱកាសនេះដែរ បណ្ដាប្រទេសបានកោតសរសើរហើយថ្លែងអំណរគុណដល់ លោកឯកអគ្គរដ្ឋទូត Dang Dinh Quy និងប្រទេសវៀតណាម ដោយមានការរួមវិភាគ ទានសំខាន់ៗក្នុងនាមជាប្រធានគណៈកម្មាធិការលេខ២២០៦ក្នុងរយៈពេល២ឆ្នាំកន្លងមក។ គួរជម្រាបថា ក្នុងនាមជាប្រធានគណៈកម្មាធិការ វៀតណាម រួមជាមួយប្រទេស ផ្សេងៗបានរៀបចំសម័យប្រជុំចំនួន៥ ហើយរៀបចំដំណើរទស្សនកិច្ចជាក់ស្ដែងទៅ កាន់ស៊ូដង់ខាងត្បូងដើម្បីស្វែងយល់ពីការដាក់ពង្រាយកិច្ចព្រមព្រៀងសន្តិភាព និង បទដ្ឋានត្រួតពិនិត្យយន្តការហ៊ុំព័ទ្ធអាវុធ យោងតាមសេចក្ដីសម្រេចចិត្តលេខ ២៥៧៧របស់ក្រុមប្រឹក្សាសន្តិសុខ ដើម្បីធ្វើជាមូលដ្ឋានសម្រាប់ក្រុមប្រឹក្សាសន្តិសុខ ពិនិត្យមើលយន្តការនេះក្នុងឆ្នាំបន្ទាប់៕