ទីក្រុងហូជីមិញតភ្ជាប់អំពាវនាវទុនវិនិយោគពីបរទេស  នារសៀលថ្ងៃទី៣១សីហា លោកNguyen Thanh Phongប្រធានគណៈកម្មាធិការប្រជាជនទីក្រុងហូជីមិញ បានអញ្ជើញជាអធិបតីកិច្ចប្រជុំរវាងថ្នាក់ដឹកនាំទីក្រុងនិងប្រធានតំណាងស្ថានកុងស៊ុលប្រចាំនៅទីក្រុងហូជី មិញដើម្បីពិភាក្សាអំពីទិសដៅអភិវឌ្ឍន៍ គម្រោងការណ៍អាទិភាពសម្រាប់អំពាវនាវទុនវិនិយោគរបស់ទីក្រុង  និង តភ្ជាប់អំពាវនាវទុនវិនិយោគពីបរទេសនៅទីក្រុង នាពេលខាងមុខ។ នៅក្នុងកិច្ចប្រជុំនេះលោកNguyen Thanh Phongបានសង្កត់ធ្ងន់ថា៖ ទីក្រុងមានបំណងបានចែករំលែក សិក្សារៀនសូត្របទពិសោធន៍របស់ទីក្រុងនានា លើពិភពលោក ដើម្បីដោះស្រាយបញ្ហានៃការអភិវឌ្ឍនិងគុណភាពជីវភាពរស់នៅ។ ថ្នាក់ដឹកនាំទីក្រុងចង់បានតំណាងកុងស៊ុលនៅក្នុងទីក្រុងចូលរួមក្នុងដំណើរការធ្វើឱ្យទីក្រុងក្លាយជាកន្លែងរស់នៅល្អប្រសើរជាងមុនតាម រយៈការចែករំលែកចក្ខុវិស័យជាមួយថ្នាក់ដឹកនាំទីក្រុងនិងតាមរយៈបណ្តាញផ្សេងទៀតដើម្បីដោះស្រាយបញ្ហាប្រឈមក្នុងដំណើរការអភិវឌ្ឍន៍ ធានាកំណើនប្រកបដោយនិរន្តរភាពរបស់ទីក្រុង។ នៅឯកិច្ចប្រជុំនេះលោកស្រី Leow Siu Liu អគ្គកុងស៊ុលនៃសាធារណរដ្ឋសឹង្ហបុរីប្រធានក្រុម អ្នកតំណាងស្ថានកុងស៊ុលប្រចាំនៅទីក្រុងហូជីមិញ បានវាយតម្លៃខ្ពស់តួនាទីរបស់ទីក្រុង នេះជាទីក្រុងសកម្មនិងមានតួនាទី សំខាន់សម្រាប់វៀតណាម និងតំបន់ព្រមទាំងកិច្ចខិតខំប្រឹងប្រែងរបស់ទីក្រុងនៅក្នុងការធានាអភិវឌ្ឍយ៉ាងរឹងមាំប្រកបដោយនិរន្តរភាពនិងបង្កើនគុណភាពនៃជីវភាពរស់នៅរបស់ប្រជាជន៕