នាយករដ្ឋមន្ត្រីបានប្រគល់គត្តិនាមវីរពលកម្មជូនធនាគារ VietinBank។ (vov.vn)         VOV-នាព្រឹកថ្ងៃទី៨កក្កដានៅទីក្រុងហាណូយ​ ធនាគារពាណិជ្ជកម្មភាគហ៊ុន​ឧស្សាហ-ពាណិជ្ជកម្មវៀតណាម (VietinBank) បានរៀបចំពិធីទទួលគត្តិនាម វីរពលកម្ម​និង​រំលឹក​ខួបលើកទី២៥ទិវាបង្កើត។ ដល់ចុងឆ្នាំ២០១២ ទ្រពសម្បត្តិ សរុបរបស់ VietinBank មានហួសពី៥០៣លានលានដុង មានកំណើនជាមធ្យម ៣៤%ក្នុង១ឆ្នាំ​រហូត​ក្នុងអំឡុង២៥ឆ្នាំកន្លងមក។ VietinBank​នៅជាអង្គភាពនាំមុខ ក្នុងការអនុវត្តមាន​ប្រសិទ្ធភាព​គោលការណ៍​គោលនយោបាយអំពីសុខុមាលភាព សង្គមនិង​ផលប្រយោជន៍​សង្គម។ ថ្លែងមតិនៅពិធី នាយករដ្ឋមន្ត្រីវៀតណាម លោក Nguyen Tan Dung បាន​បញ្ជា VietinBank ត្រូវជ្រួតជ្រាបសេចក្តីសំរេចចិត្ត មហាសន្និបាតបក្សទូទាំងប្រទេស​លើក​​ទី១១ ស្ដីពីយុទ្ធសាស្ត្រអភិវឌ្ឍន៍សេដ្ឋកិច្ច -សង្គមដំណាក់កាល២០១១-២០២០និង​ផែនការ៥ឆ្នាំ ពីឆ្នាំ២០១១​ដល់ឆ្នាំ២០១៥។          “VietinBank ត្រូវប្រមូលផ្ដុំប្តេជ្ញាចិត្តអនុវត្តបណ្ដាដំណោះស្រាយផ្លាស់ប្តូរថ្មីលើ​ គ្រប់​វិស័យ ខំប្រឹងប្រែងអភិវឌ្ឍន៍ក្លាយទៅជាធនាគារពាណិជ្ជកម្មមានទ្រង់ទ្រាយធំ ធ្វើ​សកម្មភាព​សុវត្ថិភាពប្រសិទ្ធភាពនិងមានសមត្ថកិច្ចធុរកិច្ចជឿនលឿន មាន លទ្ធភាព​ប្រគួត​ប្រជែងក្នុងប្រទេសនិងអន្តរជាតិ។ រួមចំណែកសកម្មជាមួយធនាគារ ពាណិជ្ជកម្ម​រដ្ឋ​លើកកំពស់តួនាទីស្នូលក្នុងប្រព័ន្ធបណ្ដាអង្គការឥណទានវៀតណាម។”          នាយករដ្ឋមន្ត្រីបាន​សំណូមពរ​​ផ្នែក​ធនាគារត្រូវរួមផ្សំជិតស្និទ្ធរវាង​ គោល​ នយោបាយ​រូបីយវត្ថុជាមួយ​គោល​នយោបាយម៉ាក្រូសេដ្ឋកិច្ចរារាំងអតិផរណា។         តាងនាមឲ្យថ្នាក់ដឹកនាំបក្សរដ្ឋ នាយករដ្ឋមន្ត្រី Nguyen Tan Dung បាន​ប្រគល់​ គត្តិនាម​វីរពលកម្មនិង​គ្រឿង​ឥស្សារិយយសពលកម្មថ្នាក់ទី១ជូន VietinBank៕