បញ្ចប់សម័យពិនិត្យពិច្ច័យចុងក្រោយស្តីអំពីការកាត់ទោសប្រធានាធិបតីកូរ៉េខាងត្បូង (VNA) (VOVworld) – នាយប់ថ្ងៃទី​ ២៧ កុម្ភៈ តុលាការរដ្ឋធម្មនុញ្ញកូរ៉េខាងត្បូងបាន  បញ្ចប់ការពិនិត្យពិច្ច័យចុងក្រោយស្តីអំពីការកាត់ទោសប្រធានាធិបតីកូរ៉េខាង ត្បូង លោកស្រី Park Geun-hye ក្នុងកាលៈទេសៈដែលបណ្ដាការធ្វើបាតុកម្មប្រឆាំង ជំទាស់និងគាំទ្រថ្នាក់ដឹកនាំរូបនេះប្រព្រឹត្តទៅនៅខាងក្រៅទីស្នាក់ការនៃតុលាការ។ ប្រធានាធិបតី Park Geun-hye មិនចូលរួមសម័យពិនិត្យពិច្ច័យពោលខាងលើឡើយ ប៉ុន្តែបានផ្ញើសេចក្តីប្រកាសមួយដល់តុលាការក្នុងនោះលើកឡើងបណ្ដាការខំប្រឹង ប្រែងជួយមាតុប្រទេសរបស់ខ្លួនព្រមទាំងអះអាងថា៖ លោកស្រីមិនធ្វើប្រការណា ដើម្បីផលប្រយោជន៍របស់ខ្លួនទេ។ ថ្នាក់ដឹកនាំរូបនេះក៏បានសូមទោសព្រោះបាន បណ្តាលឲ្យកើតឡើង «ការឈឺចាប់យ៉ាងធ្ងន់ធ្ងរ» ចំពោះប្រជាពលរដ្ឋហើយសន្យាថា៖ នឹងខ្នះខ្នែងអស់ពីកំលាំងកាយចិត្តរបស់ខ្លួនដើម្បីសាមគ្គីជាតិនិងជំនះពុះពារលើ ស្ថានភាពបច្ចុប្បន្ន។ សាធារណៈមតិបានចាត់ទុកថា៖ នាថ្ងៃទី ១៣ មិនា ខាងមុខ  ចៅក្រមស្តីទីតុលាការ លោក Lee Jung-mi នឹងចូលនិវត្តន៍ហើយតុលាការរដ្ឋធម្មនុញ្ញ នឹងប្រកាសសាលក្រមស្តីពីការកាត់ទោសលោកស្រី Park Geun-hye ដែលរដ្ឋសភានៃ ប្រទេសនេះផ្តើមឡើងនាថ្ងៃទី ៩ ធ្នូ ឆ្នាំ ២០១៦ កន្លងទៅ។ ក្នុងករណី តុលាការរដ្ឋធម្ម នុញ្ញយល់ព្រមនឹងការផ្តើមគំនិតកាត់ទោសនិងបញ្ចប់តំណែងជាប្រធានាធិបតីរបស់ លោកស្រី Park Geun-hye នោះគឺកូរ៉េខាងត្បូងនឹង រៀបចំការបោះឆ្នោតប្រធានាធិបតី ក្រោយរយៈពេល ៦០ ថ្ងៃ៕