ប្រធានាធិបតីអាហ្វ្រីកខាងត្បូងលោក Jacob Zuma (vietnamplus.vn)         Vovworld-នាយប់ថ្ងៃទី២៥ឧសភា​មួយថ្ងៃបន្ទាប់ពីធ្វើសច្ចារប្រនិធាន ប្រធានាធិបតីអាហ្វ្រីកខាងត្បូងលោក Jacob Zuma បានប្រកាស​បញ្ជីរាយ​នាម​គណៈរដ្ឋមន្ត្រីថ្មីជាមួយការផ្លាស់ប្តូរជាច្រើន ក្នុងនោះអនុប្រធានគណៈបក្ស​ មហាសន្និបាតជាតិអាហ្វ្រីក (ANC) កាន់អំណាច Cyril Ramaphosa កាន់​ដំណែង​ អនុប្រធានាធិបតី។ គណៈរដ្ឋមន្ត្រីថ្មីរួមមានសមាជិកចំនួន៣៥នាក់ក្នុង​នោះមាន រដ្ឋមន្ត្រីចំនួន២រូបចំណុះខុទ្ទកាល័យប្រធានាធិបតីនិអ្នកប្រមុខបណ្ដា​ក្រសួងចំនួន ៣៣នាក់។         ថ្លែងមតិនៅពិធីប្រកាសគណៈរដ្ឋមន្ត្រី ប្រធានាធិបតី Zuma បានឲ្យដឹងថា រដ្ឋាភិបាលថ្មីរបស់លោកមានភារកិច្ចជំរុញដំណើរការផ្លាស់ប្តូរថ្មីសេដ្ឋកិច្ចសង្គម នៃប្រទេសជាតិ ក្នុងនោះមានយុទ្ធសាស្ត្ររយៈពេលមធ្យមក្នុង៥ឆ្នាំ ត្រូវបាន​កំណត់​ក្នុងផែនការអភិវឌ្ឍន៍ប្រទេសជាតិ (NDP) និងកម្មវិធីនយោបាយរបស់ ANC៕