ប្រធានរដ្ឋវៀតណាមទទួលជួបសន្ទនាជាមួយរដ្ឋមន្ត្រីក្រសួងកសិកម្មរុក្ខកម្មនិងជលផលជប៉ុន (VOVworld) – ក្នុងការទទួលជួបសន្ទនាជាមួយរដ្ឋមន្ត្រីក្រសួងកសិកម្មរុក្ខកម្មនិង ជលផលជប៉ុនលោក Hayashi Yoshimasa នារសៀលថ្ងៃទី ២៤ មិថុនា នៅទីក្រុង ហូជីវិញ ប្រធានរដ្ឋវៀតណាម លោក​ Truong Tan Sang បានវាយតំលៃខ្ពស់ ចំពោះកិច្ចសហប្រតិបត្តិការក្របដោយប្រសិទ្ធភាពរបស់ក្រសួងផ្នែករបស់ជប៉ុន ក្នុងការជួយឧបត្ថម្ភអ្នកនេសាទវៀតណាមកែច្នៃត្រីធូណាជាដើម។ ប្រធានរដ្ឋ វៀតណាមបានស្នើឲ្យរដ្ឋមន្ត្រី Hayashi Yoshimasa  បន្តជួយឧបត្ថម្ភវៀតណាម តាមរយៈបណ្ដាគំរោងការណ៍ FDI របស់ជប៉ុនវិនិយោគនិងអភិវឌ្ឍន៍បច្ចេកទេស កែច្នៃនិងសេវ៉ាកម្មកសិកម្ម ។ល។ រដ្ឋមន្ត្រី Hayashi Yoshimasa បានអះអាងថា៖ គោលដៅនៃដំណើរទស្សនកិច្ចលើកនេះនៅវៀតណាមគឺសំដៅអនុវត្តបណ្ដា ខ្លឹមសារសហប្រតិបត្តិការកសិកម្មរវាងជប៉ុននិងវៀតណាម។ ស្តីអំពី បញ្ហា ទាក់ទិនដល់អធិបតេយ្យភាពដែនសមុទ្ររបស់វៀតណាម រដ្ឋមន្ត្រីជប៉ុនវាយ តំលៃខ្ពស់ ចំពោះគោលជំហររបស់វៀតណាមក្នុងការដោះស្រាយជំលោះ លើសមុទ្រខាងកើត ដោយសន្តិវិធី៕