ក្រុមឧទ្ទាម Boko Haram (រូបថត៖ibtimes.co.uk) (VOVworld) - ក្នុងសេចក្ដីប្រកាសមួយចេញនាថ្ងៃទី១៣ ឧសភា ក្រុមប្រឹក្សាសន្តិសុខ អ.ស.បបានព្រមានអំពីការតភ្ជាប់រវាងក្រុមឧទ្ទាមអ៊ីស្លាម Boko Haram នៅទ្វីប អាហ្វ្រិកជាមួយអង្គការរដ្ឋអ៊ីស្លាម (IS) ស្វ័យប្រកាស ព្រមទាំងសំដែងការព្រួយបារម្ភ អំពីវិបត្តិមនុស្សធម៌នៅកំរិតគួរឲ្យភ័យខ្លាចដែល Boko Haram បង្ក ឡើងនៅតំបន់។ តាមក្រុមប្រឹក្សាសន្តិសុខថា សកម្មភាពរបស់ Boko Haram បន្ត បំផ្លិចបំផ្លាញខឿន សន្តិភាពនិងស្ថិរភាពនៅតំបន់អាហ្វ្រិកកណ្ដាលនិងអាហ្វ្រិកខាងលិច ដែល បណ្ដាលឲ្យពលរដ្ឋនីហ្សេរីយ៉ាជាង២លាននាក់ត្រូវជម្លៀសចេញពីផ្ទះ ៤៥ម៉ឺននាក់ ទៀតទៅភៀសខ្លួននៅប្រទេសជិតខាង និងជាង៤លាននាក់នៅ ប្រទេសនានា ជុំវិញបឹង ​Chad ត្រូវប្រឈមមុខនឹងវិបត្តិសន្តិសុខស្បៀងអាហារ។ក្រុមប្រឹក្សាសន្តិ សុខក៏បានអំពាវនាវឲ្យប្រទេសសមាជិកទាំង១៥ចូលរួមកងកម្លាំងរួមប្រឆាំងនឹង Boko Haram ជំរុញកិច្ចសហប្រតិបតិ្តការយោធានៅក្នុងតំបន់ដើម្បី តាមចាប់និង កំទិចទីស្នាក់ការរបស់ក្រុមឧទ្ទាមនេះផងដែរ៕