អតីតចារបុរសទីភ្នាក់ងារចារកម្មកណ្ដាលអាមេរិក (CIA) Edward Snowden (Reuter)         VOV-ទីភ្នាក់ងារសារព័ត៌មាន Itar tass របស់រុស្ស៊ីនារសៀលថ្ងៃទី១សីហា​បាន ​ជូន​ដំណឹង​ថា​អតីតចារបុរសទីភ្នាក់ងារចារកម្មកណ្ដាលអាមេរិក (CIA) Edward Snowden បានចាកចេញពីកន្លែងឆ្លងដែនរបស់ព្រលានយន្តហោះ Sheremetyevo នៅទីក្រុងមូស្គូ ជាកន្លែងដែលលោកបានលាក់ខ្លួនចាប់ពីថ្ងៃទី​២៣មិថុនាមក ក្រោយពេលបានស្ថាប័ន​អន្តោប្រវេសន៍សហព័ន្ធរុស្ស៊ីផ្ដល់លិខិត​អនុញ្ញាតភៀស ខ្លួនជាបណ្ដោះអាសន្ន​ក្នុងរយៈ​ពេល​១ឆ្នាំ។​ មេធាវីរបស់ Edward Snowden បាន បញ្ជាក់ព័ត៌មានខាងលើ ប៉ុន្តែមិនឲ្យ​ដឹង​​កន្លែងដែល Snowden កំពុង​ស្នាក់នៅ ឡើយ។         បន្ទាប់ពីនោះ​វិមានសបានសម្ដែងការព្រួយបារម្មណ៍ចំពោះការសំរេចចិត្ត ​របស់រុស្ស៊ី​ទន្ទឹម​នឹងនោះបានឲ្យដឹងថា​ប្រធានាធិបតីអាមេរិកលោក Barack Obama អាចនឹង​មិន​ចូល​រួមសន្និសីទកំពូលក្រុមបណ្ដាខឿនសេដ្ឋកិច្ចអភិវឌ្ឍន៍និង​ទើប លេចចេញជួរមុខ (G 20) ដែលគ្រោងនឹងប្រព្រឹត្តទៅនៅទីក្រុងមូស្គូនា​ពេល​ខាង មុខ។ ក្នុងពេលនោះ​ប្រធាន​គណៈកម្មាធិការកិច្ចការបរទេសព្រឹទ្ធសភា​អាមេរិក លោក Robert Menendez បាន​ព្រមានថា​ការសំរេចចិត្តពោលខាង​លើ​របស់រុស្ស៊ីជា ជំហានថយក្រោយ​ចំពោះ​ទំនាក់ទំនងវ៉ាស៊ីនតោន-ម៉ូស្គូ៕