រដ្ឋមន្ត្រីការបរទេសរុស្ស៊ីលោក Sergei Lavrov នៅសម័យប្រជុំលើកទី២៥ក្រុមប្រឹក្សាសិទ្ធិមនុស្សអ.ស.បនៅទីក្រុង Geneva (Reuters)         Vovworld-រុស្ស៊ីអំពាវនាវឲ្យបណ្ដាប្រទេសដាក់ផលប្រយោជន៍របស់ប្រជាជន​អ៊ុយក្រែនលើផលប្រយោជន៍ភូមិសាស្ត្រនយោបាយ។ នេះជាសេចក្តីប្រកាស​របស់​រដ្ឋមន្ត្រីការបរទេសរុស្ស៊ីលោក Sergei Lavrov នៅសម័យប្រជុំលើកទី២៥ក្រុម​ប្រឹក្សា​សិទ្ធិមនុស្សអ.ស.បនៅទីក្រុង Geneva ប្រទេសស្វីសនាថ្ងៃទី៣មិនា។ លោក Lavrov បានសង្កត់ធ្ងន់ថា ត្រូវធានាអនុវត្តកិច្ចសន្យាក្នុងកិច្ចព្រមព្រៀងដែល​បានចុះហត្ថ លេខានាថ្ងៃទី២១កុម្ភៈរវាងប្រធានាធិបតីអ៊ុយក្រែនលោក Viktor Yanukovych ជាមួយ​ថ្នាក់ដឹកនាំភាគីប្រឆាំង រួមមានដំណើរការកែទម្រង់រដ្ឋធម្មនុញ្ញ។         នាថ្ងៃដ៏ដែល ក្រុមប្រឹក្សាសហព័ន្ធរុស្ស៊ីបានស្នើរលោកប្រធានាធិបតី Putin កោះ​ ហៅ​ឯកអគ្គរដ្ឋទូតរុស្ស៊ីប្រចាំនៅអាមេរិកត្រឡប់មកប្រទេសវិញដើម្បីប្រឆាំង​ជំទាស់​សេចក្តីប្រកាសរបស់អាមេរិកអំពីគោលនយោបាយរបស់រុស្ស៊ីចំពោះ​អ៊ុយក្រែន។ រដ្ឋមន្ត្រីការបរទេសអាមេរិកលោក John Kerry ក៏បានប្រកាសដែរថា អាមេរិកមិនចង់ ត្រឡប់នឹងទំនាក់ទំនងដំណាក់កាលសង្គ្រាមត្រជាក់ជាមួយរុស្ស៊ីដោយការខ្វែងគំនិត អំពីស្ថានភាពនៅអ៊ុយក្រែន។ លោក Kerry បានឲ្យដឹងថា ប្រធានាធិបតីអាមេរិក លោក Barack Obama មានបំណងសហប្រតិបត្តិការ​ជាមួយ​រុស្ស៊ីក្នុងបញ្ហានេះ។ បណ្ដាដៃគូរក្នុងក្រុមប្រទេសឧស្សាហកម្មអភិវឌ្ឍន៍ G8 បាន​ប្រកាសថា ផ្អាកចូលរួម ការត្រៀមរៀបចំឲ្យសន្និសីទកំពូលរបស់ក្រុមដែលគ្រោង​នឹងប្រព្រឹត្តទៅនៅទីក្រុង Sochi នាថ្ងៃទី៤និងទី៥មិថុនា។         ទាក់ទិនដល់ស្ថានភាពនៅ Crimea រដ្ឋអំណាចសាធារណៈស្វយ័ត Crimea (ARC) ចំណុះអ៊ុយក្រែននាថ្ងៃទី៣មិនាបានប្រកាសថា ក្នុងរយៈពេល១ថ្ងៃ​កន្លង​មក​បានមាន ទាហានអ៊ុយក្រែនជាង៣ពាន់នាក់សច្ចាប្រនិធានស្មោះត្រង់ជាមួយ​ប្រជាជន Crimea។ ក្នុងពេលនោះ បណ្ដាអង្គភាពពិសេសរបស់អ៊ុយក្រែន​បាន​បដិសេធឈានទៅ Crimea ដើម្បីប្រឆាំងនឹងក្រុមសេនាជននៃដំបន់ស្វ័យតនេះ។         នាថ្ងៃទី៤មិនា នៅរដ្ឋធានី Kiev នាយករដ្ឋមន្ត្រីអ៊ុយក្រែនលោក Arseniy Yatsenyuk បានជួបសន្ទនាជាមួយដំណាងអង្គភាពអាជីវកម្មចំនួន៦០០នៅក្នុងនិង​ក្រៅប្រទេស សំដៅឆ្លើយសំនួរទាក់ទិនដល់បញ្ហាធានាសិទ្ធិប្រយោជន៍របស់​អង្គភាពអាជីវកម្មនៅ អ៊ុយក្រែនខណៈដែលប្រទេសនេះកំពុងធ្លាក់ក្នុងវិបត្តិ​នយោបាយដ៏ធ្ងន់ធ្ងរ។ នាយក រដ្ឋមន្ត្រី Yatsenyuk បានឲ្យដឹងថា រដ្ឋាភិបាលនៃ​ប្រទេស​នេះនឹងយល់ព្រមរាល់ សំណូមពររបស់មូលនិធិរូបីយវត្ថុ (IMF) ជាក់ស្ដែងគឺ​បង្កើនពន្ធនាំចូលឧស្ម័នដុត ដើម្បីទទួលបានការជួយឧបត្ថម្ភ។ ក្រុមការងាររបស់ IMF នាថ្ងៃទី៤មិនាបានមក អ៊ុយក្រែនដើម្បីវាយតំលៃស្ថានភាពសេដ្ឋកិច្ចនិង​គោល​នយោបាយកំណែទម្រង់ ធ្វើជាមូលដ្ឋានសំរាប់កម្មវិធីជួយឧបត្ថម្ភរបស់ IMF។         ក្នុងពេលនោះនៅ Odessa ជាខេត្តធំបំផុតនៅភាគនារតីអ៊ុយក្រែននាថ្ងៃទី​៤មិនា​​ បាន​មានមនុស្សចំនួន៣ពាន់នាក់ធ្វើបាតុកម្មនៅខាងក្រៅទីស្ដីការគណៈ​កម្មាធិការ រដ្ឋបាលខេត្តជាមួយសំណូមពរគាំទ្រការដែលសហព័ន្ធនិងអំពាវនាវមិនទទួលស្គាល់ រដ្ឋអំណាច Kiev៕