នាយករដ្ឋមន្ត្រីរុស្ស៊ីលោក Dmitry Medvedev (RIA Novosti)         Vovworld-រុស្ស៊ីបានទិញប័ណ្ណជាតិមានតំលៃ៣ពាន់លានដុល្លារអាមេរិក​របស់​អ៊ុយក្រែនសំដៅជួយឧបត្ថម្ភខឿនសេដ្ឋកិច្ចរបស់ប្រទេសជិតខាងមួយនេះ។ នេះ ជាការ​សន្យាមួយផ្នែករបស់រដ្ឋាភិបាលរុស្ស៊ីប្រើប្រាស់ចំនួនប្រាក់ប្រមាណ១៥ពាន់​លានដុល្លារអាមេរិកពីមូលនិធិផលប្រយោជន៍ជាតិដើម្បីទិញប័ណ្ណជាតិរបស់​អ៊ុយ ក្រែន ជួយឲ្យប្រទេសនេះរួចផុតពីវិបត្តិហិរញ្ញវត្ថុ។         ថ្លែងមតិនាថ្ងៃទី២៤ធ្នូក្នុងការចរចារជាមួយសមភាគីអ៊ុយក្រែនលោក Mykola Azarov នៅទីក្រុងម៉ូស្គូ នាយករដ្ឋមន្ត្រីរុស្ស៊ីលោក Dmitry Medvedev ប្រកាស​ថា រុស្ស៊ីបានអនុវត្តជាផ្លូវការផែនការទិញប័ណ្ណជាតិរបស់អ៊ុយក្រែន។ នាយករដ្ឋមន្ត្រី Azarov បានអះអាងថា ការជួយឧបត្ថម្ភរបស់រុស្ស៊ីបានជួយលើកកំរិតអ៊ុយក្រែន​លើ​ ឆាកអន្តរជាតិ ជួយឲ្យប្រទេសនេះរួចផុតពីគ្រោះអាសន្នធ្លាក់ជ្រៅចូលក្នុងវិបត្តិ​ ហិរញ្ញវត្ថុ៕