លោកនាយករដ្ឋមន្រ្តី Nguyen Xuan Phuc ក្នុងសារនេះ លោកនាយករដ្ឋមន្រ្តី Nguyen Xuan Phuc បានអំពាវនាវ ឲ្យ បណ្តាប្រទេស អង្គការ និងបុគ្គលនានាគាំទ្រ ហើយអនុវត្តប្រកបដោយប្រសិទ្ធភាពនូវសេចក្ដីសម្រេចចិត្តស្ដីពីទិវាអន្តរជាតិប្រយុទ្ធប្រឆាំងជំងឺរាតត្បាត ក្នុងនោះផ្ដោតសំខាន់លើខ្លឹមសារមួយចំនួនដូចជា៖ពង្រឹងការសម្របសម្រួលគោលនយោបាយ សាមគ្គីភាពធ្វើសកម្មភាព លើកកម្ពស់កិច្ចសហប្រតិបត្តិការអន្តរជាតិ ក៏ដូចជាកិច្ចខិតខំប្រឹងប្រែងរបស់ស្ថាប័នពហុភាគីក្នុងអភិបាលកិច្ចពិភពលោកដោយមានការដឹកនាំរបស់អង្គការសហប្រជាជាតិ សំដៅរុញថយក្រោយជំងឺរាតត្បាតកូវីដ ១៩ ព្រមទាំងផ្ដោតសំខាន់លើផលប្រយោជន៍របស់ប្រជាពលរដ្ឋសម្រាប់រាល់គោលនយោបាយ ការធ្វើសកម្មភាព និងផ្ដល់អាទិភាពលើកិច្ចការពារសុខភាព អាយុជីវិតរបស់មនុស្ស។ វៀតណាមជឿជាក់ថាសហគមន៍អន្តរជាតិនឹងពង្រីកឆន្ទៈនិងកម្លាំងរបស់ប្រជាជនគ្រប់រូប និងប្រជាជាតិនីមួយៗ ក៏ដូចជាស្មារតីសាមគ្គីភាព កិច្ចសហប្រតិបត្តិការអន្តរជាតិយ៉ាងខ្លាំងក្លា ដើម្បីរួមគ្នាជំនះរាល់បញ្ហាប្រឈម កសាងអនាគត ដ៏ល្អប្រសើរថែមទៀតសម្រាប់ប្រទេសនីមួយៗ និងប្រជាជនគ្រប់រូប។ វៀតណាមត្រៀមខ្លួនជានិច្ចក្នុងការចូលរួមចំណែកក្នុងដំណើរដ៏ថ្លៃថ្លានេះផងដែរ៕