បុគ្គលិកក្រុមហ៊ុនពាណិជ្ជកម្មអេឡិចត្រូនិក Lazada បែងចែកទំនិញតាមប្រភេទនីមួយៗ។ (រូបថត៖ VNA)

គេហទំព័រ bnnbloombere.ca នៅថ្ងៃទី២ ខែមិថុនា បានបង្ហោះអត្ថបទ សរសេរដែលវាយតម្លៃថា ទោះបីជាផ្នែកពាណិជ្ជកម្មអេឡិចត្រូនិកនៅវៀត ណាមត្រូវបានអង្គការ Euromonitor International ប៉ាន់ស្មាន់ស្រូបយកតែ ៣%នៃទីផ្សារលក់រាយនៅប្រទេសនេះក្នុងឆ្នាំ២០២០ ដែលជាកម្រិតទាប បំផុតនៅអាស៊ីអាគ្នេយ៍ក៏ដោយ ប៉ុន្តែ សក្ដានុពលកំណើននៃវិស័យនេះពិត ជាគួរឲ្យទាក់ទាញណាស់។ បើតាមការស្រាវជ្រាវរបស់ Google បានបង្ហាញ ឲ្យឃើញថា ទំហំសេដ្ឋកិច្ចឌីជីថលរបស់វៀតណាមត្រូវបានព្យាករណ៍ថា នឹងឡើងដល់ទៅ៥២ពាន់លានដុល្លាអាមេរិកនាឆ្នាំ២០២៥ ពោលគឺកើន ឡើង២៩% បើប្រៀបធៀបនឹងឆ្នាំ២០២០។

សម្ព័ន្ធក្រុមហ៊ុន Alibaba Group Holding និង Baring Private Equity Asia កំពុងវិនិយោគទុនចំនួន៤០០លានដុល្លាអាមេរិកសម្រាប់កាន់កាប់ភាគ ហ៊ុនចំនួន៥,៥% ក្នុងសាខាលក់រាយរបស់សម្ព័ន្ធក្រុមហ៊ុន Masan Group នៅវៀតណាម។ តាមកិច្ចព្រមព្រៀងដែលបានប្រកាសនៅថ្ងៃទី១៨ ខែ ឧសភា Masan នឹងសហប្រតិបត្តិការជាមួយ Lazada ដែលជាអង្គភាព ពាណិជ្ជកម្មអេឡិចត្រូនិកនៅអាស៊ីអាគ្នេយ៍ របស់ Alibaba។

ចំណែកឯ Tiki គឺជាគេហទំព័រពាណិជ្ជកម្មអេឡិចត្រូនិកដ៏ធំបំផុតរបស់ វៀតណាម។ យោងតាម Crunchbase ឲ្យដឹងថា វិនិយោគិនជាច្រើនរួមមាន Sumitomo Corp. និង JD.com បានបណ្ដាក់ទុនចំនួន១៩២,៥លានដុល្លា អាមេរិកសម្រាប់ Tiki៕