វៀតណាមទទួលរៀបចំ “មហាស្រពតូតន្រ្តីប្រពៃណីបណ្ដាប្រទេស អាស៊ាន” ជាលើកដំបូង (Image: VOV) (VOVworld) – មហាស្រពតូតន្ត្រីប្របៃណីបណ្ដាប្រទេសអាស៊ានឆ្នាំ ២០១៥ នឹងត្រូវបានរៀបចំឡើងជាលើកដំបូងនៅវៀតណាមចាប់ពីថ្ងៃទី ១ ដល់ទី ៦ សីហា ឆ្នាំ ២០១៥ នៅទីក្រុង Thanh Hoa (ភាគកណ្ដាលវៀតណាម)។ នេះគឺជា សកម្មភាព សិល្បៈវប្បធម៌ស្ថិតក្នុងកម្មវិធីឆ្នាំទេសចរណ៍ជាតិវៀតណាមឆ្នាំ ២០១៥ ដោយ ប្រធានបទ “តភ្ជាប់បណ្ដាបេតិក្ខភ័ណ្ឌពិភពលោក” សំដៅ ផ្សេពផ្សាយតំលៃវប្បធម៌ របស់វៀតណាម។ នេះក៏ជាសកម្មភាពស្វាគម ការបង្កើតសហគមន៍អាស៊ាននា ចុងឆ្នាំ ២០១៥ របស់ក្រសួងវប្បធម៌កីឡា និងទេសចរណ៍វៀតណាមផងដែរ។ គណៈប្រតិភូ សិល្បៈករសិល្បៈការិនី ចំនួន ១២ នៃប្រទេសជាសមាជិកអាស៊ាននឹងចូលរួមព្រឹត្តិការ​ណ៍នេះ។ ក្រៅពីសកម្មភាពសិល្បៈ វេទិការវិទ្យាសាស្ត្រ “តូតន្ត្រីប្រពៃណីនៃប្រទេស អាស៊ាន-ឯកភាពក្នុងភាពសម្បូររុងរឿង” ក៏នឹងត្រូវបានរៀបចំឡើង ផងដែរ៕