អ្នកនាំពាក្យក្រសួងការបរទេសវៀតណាម លោក Le Hai Binh (VOVworld)-ក្នុងការឆ្លើយសម្ភាសន៍ជាមួយអ្នកយកព័ត៌មានស្នើឲ្យដឹងអំពីប្រតិកម្ម  របស់វៀតណាមស្តីពីការដែលក្រសួងការបរទេសអាមេរិកចេញរបាយការណ៍សិទ្ធិ  មនុស្សឆ្នាំ២០១៦នោះ នាថ្ងៃទី១៣មិនាឆ្នាំ២០១៧ អ្នកនាំពាក្យក្រសួងការបរទេស វៀតណាមលោក Le Hai Binh បានលើកច្បាស់ថា គោលនយោបាយមុនក៏ដូចជា ក្រោយរបស់វៀតណាមគឺការពារនិងជម្រុញសិទ្ធិជាសារវ័ន្តរបស់មនុស្ស។ រាល់ការ ខំប្រឹងប្រែងនិងសមិទ្ធិរបស់វៀតណាមក្នុងការធានានិងកែលំអដោយឥតឈប់ឈរ  រាល់សិទ្ធិជាសារវ័ន្តរបស់ប្រជាជននាពេលកន្លងទៅគឺត្រូវបានសហគមន៍អន្តរជាតិ  ទទួលស្គាល់និងវាយតម្លៃខ្ពស់។ លោក Le Hai Binh បានឲ្យដឹងថា វៀតណាម ត្រៀមខ្លួនជាស្រេចធ្វើការផ្លាស់ប្តូរមតិដោយស្មោះត្រង់ដោយឈរលើស្មារតីស្ថាបនា ជាមួយប្រទេសទាំងអស់ ក្នុងនោះមានអាមេរិកផង។ របាយការណ៍សិទ្ធិមនុស្សឆ្នាំ  ២០១៦របស់ក្រសួងការបរទេសអាមេរិកទោះបីជាបានទទួលស្គាល់សមិទ្ធិការពារ  សិទ្ធិមនុស្សមួយចំនួនរបស់វៀតណាមក៏ដោយ ប៉ុន្តែនៅតែនាំចេញមតិខ្វះបរានុម័ត  និងមិនឆ្លុះបញ្ចាំងត្រឹមត្រូវនូវស្ថានភាពជាក់ស្តែងនៅវៀតណាមនោះឡើយ។         ឆ្លើយសំណួររបស់អ្នកយកព័ត៌មានស្តីពីប្រតិកម្មរបស់វៀតណាមចំពោះការ​ដែល ចិនបានរៀបចំទួរទេសចរណ៍ខុសច្បាប់មកប្រជុំកោះ Hoang Sa និងការដែល នាវាការ ពារសមុទ្រចិនដេញតាមនាវានេសាទរបស់វៀតណាមលើប្រជុំកោះ Hoang Sa នោះ អ្នកនាំពាក្យក្រសួងការបរទេសវៀតណាម លោក Le Hai Binh បាន អះអាងថា វៀត ណាមមានមូលដ្ឋានគតិយុត្តគ្រប់គ្រាន់និង ភស្តុតាងប្រវត្តិសាស្រ្តជាក់ លាក់អះអាង អធិបតេយ្យរបស់វៀតណាមចំណោះប្រជុំកោះ Hoang Sa និង Truong Sa ។​វៀតណាម ប្រឆាំងជំទាស់ដាចអហង្ការនិងសំណូមពរឲ្យភាគីចិនគោរពអធិបតេយ្យ ភាពរបស់ វៀតណាមនិងច្បាប់អន្តរជាតិ បញ្ជប់ភ្លាមនិងកុំឲ្យប្រព្រឹត្តទៅអំពើដូច ពោលខាងលើ ព្រមទាំងរួមចំណែកទៅក្នុងការរក្សាសន្តិភាពនិងស្ថិរភាពនៅសមុទ្រខាងកើតទៀតផង៕