(VOVWORLD) -ການພັດທະນາຢ່າງມີຫຼາຍຮູບຫຼາຍແບບ ຂອງບັນດາປະເພດສິລະປະບັນເທີງທີ່ທັນສະໄໝ ໄດ້ເຮັດໃຫ້ຫຼາຍປະເພດສິລະປະພື້ນເມືອງຄື ສິລະປະຂັບແຈ່ວ, ຂັບຕ່ວງ, ຂັບກ່າຍເລືອງ ປະສົບກັບຄວາມຫຍຸ້ງຍາກ ເມື່ອຊອກຫາ ແລະ ດຶງດູດໃຈຜູ້ຊົມ. ເພາະສະນັ້ນ ການປະດິດຄິດແຕ່ງບັນດາບົດລະຄອນໃໝ່ ທີ່ມີການສ່ອງແສງເຖິງບັນດາບັນຫາໃນຍຸກປັດຈຸບັນ ແລະ ສະແດງຕາມສິລະປະຂັບຕ່ວງເກົ່າ, ຫຼຸດຜ່ອນເວລາສະແດງລົງ ເພື່ອໃຫ້ແທດເໝາະກັບແຂກທ່ອງທ່ຽວຊາວຕ່າງປະເທດນັ້ນ ກໍແມ່ນໜຶ່ງໃນບັນດາວິທີເຮັດຢ່າງມີປະສິດທິຜົນໃນປັດຈຸບັນ ຂອງໂຮງລະຄອນຕ່ວງ ຫວຽດນາມ

(VOVWORLD) -ປີ 2018  ຫວຽດນາມໄດ້ຈັດຕັ້ງເຫດການວັດທະນະທຳ ທີ່ເປັນເອກລັກຫຼາຍເຫດການ ແລະ ໄດ້ມີບັນດາມໍລະດົກວັດທະນະທຳ ທີ່ມີລະດັບສາກົນຕື່ມອີກ

(VOVWORLD) -ຂັບດຸ້ມຍັງຖືກເອີ້ນວ່າແມ່ນຂັບເວົ້າ, ແມ່ນປະເພດຂັບລຳທຳເພງພຶື້ນເມືອງ ດ້ວຍບັນດາທຳນອງຂັບກ້ຽວທີ່ເຄີຍສະແດງໃນໂອກາດວັນບຸນ, ຍາມຕົ້ນລະດູຮ້ອນ ແລະ ຕົ້ນລະດູບານໃໝ່. ນີ້ແມ່ນປະເພດສິລະປະໄດ້ມີມາໃນຂະບວນວິວັດແຫ່ງການອອກແຮງງານ, ທຳການຜະລິດ, ຕິດພັນກັບບັນດາງານບຸນ ແລະ ມີຈຸດວັດທະນະທຳທີ່ເປັນເອກະລັກ ຂອງປະຊາຊົນເຂດປາກທະເລ, ໃນນັ້ນຕົ້ນກຳເນີດຂອງສິລະປະຂັບດຸ້ມແມ່ນເມືອງ ຖຸຍງວຽນ, ນະຄອນຫາຍຟ່ອງ. ສິລະປະຂັບດຸ້ມຫາກໍ່ຖືກນຳເຂົ້າໃນບັນຊີລາຍຊື່ ມໍລະດົກວັດທະນະທຳບໍ່ເປັນວັດຖຸລະດັບຊາດຢ່າງເປັນທາງການ

(VOVWORLD) -ເນື່ອງໃນໂອກາດສະເຫຼີມສະຫຼອງ 19 ປີ ແຫ່ງວັນສ້າງຕັ້ງຄຸ້ມຖະໜົນເກົ່າ ໂຫ້ຍອານ ເຊິ່ງໄດ້ຮັບການຮັບຮອງຈາກອົງການ Unesco ວ່າແມ່ນມໍລະດົກວັດທະນະທຳໂລກ, ນະຄອນໂຫ້ຍອານ ຫາກໍ່ປະກາດແຜນ “ໂຫ້ຍອານ - ນ້ຳໃຈມະນຸດ” ເພື່ອແນໃສ່ຫວນຄືນບັນດາບົດຮຽນອັນລ້ຳຄ່າ ກ່ຽວກັບຄຸນສົມບັດ, ວິຖີຊີວິດຂອງຊາວຄຸ້ມຖະໜົນ ໂຫ້ຍອານ ລຸ້ນຕ່າງໆເມື່ອກ່ອນນີ້, ຈາກນັ້ນກໍ່ເຮັດໃຫ້ປ່ຽນແປງຊີວະທັດຂອງລຸ້ນຄົນປັດຈຸບັນ ຕາມທິດທີ່ຕັ້ງໜ້າກວ່າ, ເສີມຂະຫຍາຍບັນດາຄຸນຄ່າວັດທະນະທຳ ອັນດີງາມທີ່ມີຢູ່ແລ້ວຂອງໂຫ້ຍອານ

(VOVWORLD) -ງານ Festival ວັດທະນະທຳຄ້ອງ ໄຕຫວຽນ ປີ 2018 ຖືກຈັດຂຶ້ນຢູ່ແຂວງ ຢາລາຍ ແຕ່ວັນທີ 30 ພະຈິກ ຫາ ວັນທີ 2 ທັນວາ ປີ 2018 ຢູ່ນະຄອນ   ປໄຣກູ ແລະ ເມືອງ ຈືປາດ. ນີ້ແມ່ນເຫດການວັດທະນະທຳທີ່ ສຳຄັນ ເພື່ອແນໃສ່ເຊີດຊູ, ອະນຸລັກຮັກສາ ແລະ ເສີມຂະຫຍາຍຄຸນຄ່າວັດທະນະທຳທີ່ເປັນເອກະລັກ ຂອງວັດທະນະທຳຄ້ອງໄຕຫງວຽນ ເຊິ່ງແມ່ນມໍລະດົກວັດທະນະທຳບໍ່ເປັນວັດຖຸ ເປັນຕົວແທນຂອງມວນມະນຸດ. ໂດຍຜ່ານງານບຸນນີ້ ຈະປະກອບສ່ວນເພີ່ມທະວີການພົວພັນແລກປ່ຽນ ທາງດ້ານວັດທະນະທຳ, ເພີ່ມນ້ຳໃຈສາມັກຄີວົງຄະນະຍາດບັນດາເຜົ່າ ທີ່ດຳລົງຊີວິດໃນບໍລິເວນບັນດາແຂວງເຂດໄຕຫງວຽນ

(VOVWORLD) -ປັດຈຸບັນຫວຽດນາມມີ 22 ມໍລະດົກໄດ້ຮັບການເຊີດຊູຈາກອົງການ Unesco ເຊິ່ງລວມມີບັນດາມໍລະດົກທາງທຳມະຊາດ, ມໍລະດົກວັດທະນະທຳເປັນວັດຖຸ ແລະ ບໍ່ເປັນວັດຖຸ, ມໍລະດົກວັດຖຸເອກະສານ ແລະ ມໍລະດົກວັດທະນະທຳປະສົມ. ໃນຊຸມປີທີ່ຜ່ານມາ, ລັດຖະບານຫວຽດນາມ ກໍ່ຄືຂະແໜງການຂັ້ນຕ່າງໆກໍ່ມີຄວາມເອົາໃຈໃສ່ທີ່ສຸດ ເຖິງການລົງທຶນໃຫ້ແກ່ວຽກງານປົກປັກຮັກສາ, ບູລະນະປະຕິສັງຂອນບັນດາຄຸນຄ່າທົ່ວໂລກ ກໍ່ຄືການຄຸ້ມຄອງ, ປົກປັກຮັກສາ ແລະ ເສີມຂະຫຍາຍຄຸນຄ່າຂອງມໍລະດົກຕ່າງໆ

(VOVWORLD) -ນັບຕັ້ງແຕ່ເມື່ອອົງການ  Unesco ເຊີດຊູແມ່ນມໍລະດົກວັດທະນະທຳບໍ່ເປັນວັດຖຸ ຄວນໄດ້ຮັບການປົກປັກຮັກສາຢ່າງຮີບດ່ວນນັ້ນ, ນະຄອນຮ່າໂນ້ຍ ໄດ້ມີການກະທຳຢ່າງຕັ້ງໜ້າ ເພື່ອຊ່ວຍໃຫ້ມໍລະດົກສິລະປະຂັບກາຈູ ບໍ່ພຽງແຕ່ໄດ້ຮັບການຟື້ນຟູເທົ່ານັ້ນ ຫາກຍັງໄດ້ຮັບການອະນຸລັກຮັກສາຢ່າງໝັ້ນຄົງອີກດ້ວຍ. ພ້ອມກັບການເອົາໃຈໃສ່ສິດສອນຖ່າຍທອດໃຫ້ລຸ້ນໜຸ່ມຜູ້ສືບທອດນັ້ນ, ນະຄອນຮ່າໂນ້ຍ ພວມຕັ້ງໜ້າດຳເນີນການສະແດງຂັບກາຈູ ເພື່ອແນໃສ່ເຮັດໃຫ້ປະເພດສິລະປະພື້ນເມືອງນີ້ ມີຄວາມໃໝ່ອ່ຽມ ເພື່ອໃຫ້ຂັບກາຈູມີລົມຫາຍໃຈແຫ່ງຊີວິດຍຸກປັດຈຸບັນ ແລະ ຫຍັບເຂົ້າໃກ້ກັບມວນຊົນກວ່າເກົ່າ

(VOVWORLD) -ດ້ວຍລະບົບແມ່ນ້ຳລຳເຊທີ່ໜາແໜ້ນ ຢູ່ເຂດທາງທິດຕາເວັນຕົກພາກໃຕ້ທົ່ງພຽງແມ່ນ້ຳຂອງ ຊຶ່ງມີບັນດາເຮືອເຄື່ອນໄຫວ ລ່ອງ ແລະ ທວນແມ່ນ້ຳ ຕະຫຼອດວັນ ແລະ ຄືນ. ຍ້ອນເຫດນີ້ເອງຢູ່ແຫ່ງນີ້ ກໍ່ໄດ້ໃຫ້ກຳເນີດຈຸດວັດທະນະທຳ ທີ່ເປັນເອກະລັກສະເພາະຂອງເຂດແມ່ນ້ຳລຳເຊ ນັ້ນແມ່ນຕະຫຼາດບົນລຳແມ່ນຳ້.

(VOVWORLD) -ວັນບຸນວັດທະນະທຳ, ກິລາ ແລະ ທ່ອງທ່ຽວບັນດາເຜົ່າເຂດດົງບັກ (ເຂດທາງທິດຕາເວັນອອກສ່ຽງເໜືອ) ຄັ້ງທີ 10 ປີ 2018 ໂດຍແຂວງ ຫວິງຟຸກ ເປັນເຈົ້າພາບຈັດຂຶ້ນ ໄດ້ສ້າງຄວາມປະທັບໃຈອັນດີງາມ ໃຫ້ແກ່ບັນດານັກສິລະປະການ ນັກສິລະປິນມາຈາກ 10 ແຂວງທີ່ເຂົ້າຮ່ວມ. ນີ້ແມ່ນໂອກາດເພື່ອໃຫ້ພໍ່ແມ່ພີ່ນ້ອງບັນດາເຜົ່າແນະນຳ ໂຄສະນາ ບັນດາຈຸດວັດທະນະທຳ ທີ່ເປັນເອກະລັກຂອງເຜົ່າຕົນ, ພ້ອມທັງແມ່ນໂອກາດເພື່ອ ໃຫ້ເຂົາເຈົ້າໄດ້ພົບປະແລກປ່ຽນ ຊອກຮູ້ວັດທະນະທຳບັນດາເຜົ່າ ໃນແຂວງທີ່ໃກ້ຄຽງໃນເຂດດົງບັກຂອງ ຫວຽດນາມ

(VOVWORLD) -ໃນຊຸມວັນແຕ່ວັນທີ 20 ຫາ ວັນທີ 25 ຕຸລາ ຢູ່ ຮ້າລອງ ແຂວງ ກວ໋າງນິງ ໄດ້ຈັດໃຫ້ມີງານສະແດງດົນຕີ ຂັບລຳທຳເພງພື້ນເມືອງສາມພາກເໜືອ ພາກກາງ ແລະ ພາກໃຕ້ຫວຽດນາມ ໂດຍກະຊວງ ວັດທະນະທຳ ກິລາ ແລະ ທ່ອງທ່ຽວ ສົມທົບກັບຄະນະກຳມະການ ປະຊາຊົນແຂວງ ກວ໋າງນິງ ຈັດຕັ້ງຂຶ້ນ. ມີຫຼາຍທຳນອງເພງພຶື້ນເມືອງ, ບົດເພງເກົ່າຄິດວ່າໄດ້ຖືກສູນຫາຍໄປນັ້ນ ກໍ່ໄດ້ຖືກບັນດານັກສິລະປະການ, ນັກສິລະປິນຮັກສາ ແລະ ນຳມາສະແດງຢ່າງມີຊີວິດຊີວາ ອັນໄດ້ປະກອບສ່ວນທະວີຄູນຄວາມຮັກ ຕໍ່ກັບບັນດາທຳນອງເພງພື້ນເມືອງ ຫວຽດນາມ

(VOVWORLD) -ສັບປະດາວັດທະນະທຳ, ກິລາບັນດາເຜົ່າ ເຂດທາງທິດຕາເວັນອອກສ່ຽງເໜືອ, ແຂວງ ກວາງນິງ ຄັ້ງທີສອງ ໄດ້ດຳເນີນໃນລະຫວ່າງວັນທີ 10 ຫາ ວັນທີ 14 ຕຸລາ ປີ 2018 ຢູ່ເມືອງ ຕຽນອຽນ ແຂວງ ກວາງນິງ. ນີ້ແມ່ນການເຄື່ອນໄຫວ ນອນໃນບັນດາເຫດການຂອງປີທ່ອງທ່ຽວແຫ່ງຊາດ ປະກອບສ່ວນໂຄສະນາພາບພົດດິນແດນ ແລະ ປະຊາຊົນບັນດາເຜົ່າຢູ່ເຂດທິດຕາເວັນອອກສ່ຽງເໜືອແຂວງ ກວາງນິງ

(VOVWORLD) - ໂດຍແມ່ນທ້ອງຖິ່ນ ນອນໃນເຂດເສດຖະກິດຈຸດສຸມນອນທາງພາກໃຕ້, ແຂວງ ບາເຣັຍ-ຫວຸງເຕົ່າ ມີບັນດາທ່າໄດ້ປຽບກ່ຽວກັບທີ່ຕັ້ງພູມສາດ, ທຳມະຊາດໄດ້ເອື້ອອຳນວຍຄວາມສະດວກ ເພື່ອພັດທະນາການທ່ອງທ່ຽວ.