(VOVWORLD) -ໂດຍໄດ້ກາຍເປັນປະເພນີແລ້ວ ເມື່ອລະດູບານໃໝ່ວຽນມາ, ງານບຸນດອກສະກຸຣະຍີ່ປຸ່ນ ກໍ່ໄດ້ຖືກຈັດຂຶ້ນຢູ່ນະຄອນຫຼວງ ຮ່າໂນ້ຍ. ງານບຸນດອກສະກຸຣະຂອງຍີ່ປຸ່ນ-ຮ່າໂນ້ຍ ປີ 2019 ໂດຍຄະນະກຳມະການປະຊາຊົນນະຄອນ ຮ່າໂນ້ຍ ແລະ ສະຖານທູດ ຍີ່ປຸ່ນ ປະຈຳ ຫວຽດນາມ ສົມທົບກັບບໍລິສັດຫຸ້ນສ່ວນ ຕ໋ຽນໂບະ ສາກົນຈັດຕັ້ງຂຶ້ນແຕ່ວັນທີ 29 ຫາ ວັນທີ 31 ມີນາ ປີ 2019. ນີ້ແມ່ນປີທີ 4 ທີ່ງານບຸນດອກສະກຸຣະຖືກຈັດຂຶ້ນຢູ່ ຮ່າໂນ້ຍ ອັນໄດ້ດຶງດູດຜູ້ມາຢຽມຊົມຢ່າງຫຼວງຫຼາຍ

(VOVWORLD) -ຢູ່ທຸກເຂດບ້ານນາ ຫວຽດນາມ, ແຕ່ລະໝູ່ບ້ານ ແຕ່ລະທ້ອງຖິ່ນ ກໍ່ລ້ວນແຕ່ຕິດພັນກັບບັນດາເລື່ອງນິທານ ຫຼື ງານບຸນສະເພາະ. ຫວຽດນາມ ເປັນປະເທດທີ່ທຳການຜະລິດກະສິກຳເປັນຕົ້ນຕໍ, ມີມູນເຊື້ອປູກເຂົ້ານາທາມນັບແຕ່ໃດໆມາ. ເພາະສະນັ້ນ ໂດຍຕິດພັນກັບມູນເຊື້ອດັ່ງກ່າວ ກໍ່ແມ່ນບັນດາຮີດຄອງປະເພນີ,  ພິທີກຳຕ່າງໆຄື ພິທີບູຊາເຂົ້າໃໝ່, ພິທີໄຫວ້ບູຊາເທວະດາຟ້າແຖນ, ພິທີສົມມະນາຄຸນເມື່ອລະດູການຜະລິດໄດ້ຮັບຜົນດີ ຢູ່ຕາມໝູ່ບ້ານຕາແສງເຂດບ້ານນາ. 

(VOVWORLD) -ໃນປະຫວັດສາດຕ້ານສັດຕູຜູ້ຮຸກຮານຂອງຊາດ ຫວຽດນາມ, ວິລະສະຕີ ເລເຈິນ ແມ່ນບຸກຄົນປະຫວັດສາດໄດ້ປະກອບສ່ວນຢ່າງໃຫຍ່ຫຼວງ ເຂົ້າໃນການລຸກ ຮື້ຂຶ້ນຂອງ 2 ພະນາງ ຈຶງ (ປີ 20 ຕົ້ນ ຄສ). ວິລະສະຕີ ເລເຈິນ ກໍ່ແມ່ນຜູ້ມີຄວາມງາມຄວາມດີ ໃນການບຸກເບີກພື້ນທີ່ ສ້າງຕັ້ງໝູ່ບ້ານ ແລະ ໄດ້ຕັ້ງຊື່ແມ່ນເຂດ ອານບຽນ (ນະຄອນ ຫາຍຟ່ອງ ໃນວັນນີ້). ເພື່ອອາໄລຫາ ແລະ ສະແດງຄວາມຮູ້ບຸນຄຸນຂອງພະນາງ, ໃນແຕ່ລະປີຮອດວັນທີ 8 ເດືອນຍີ່ ໄລ່ຕາມຈັນທະປະຕິທິນ ເຊິ່ງແມ່ນວັນໄດ້ຮັບໄຊຊະນະໃນການສູ້ຮົບ, ຊາວເມືອງ ເລເຈິນ ນະຄອນ ຫາຍຟ່ອງ ກໍ່ໄດ້ຈັດງານບຸນເພື່ອສະແດງຄວາມເຄົາລົບນັບຖື ແລະ ສະແດງຄວາມຮູ້ບຸນຄຸນຕໍ່ວິລະສະຕີ ເລເຈິນ.

(VOVWORLD) -ໃນຈຸດເວລາທີ່ບັນດາພື້ນຖານວັດທະນະທຳໃນໂລກພວມແຊກຊຶມເຂົ້າ ຫວຽດນາມ ດ້ວຍຫຼາຍຮູບການ,  ພ້ອມກັນນັ້ນກໍ່ແມ່ນການປ່ຽນແປງກ່ຽວກັບຄວາມນິຍົມຮັບຊົມສິລະປະ, ໄວໜຸ່ມໄດ້ມີການເລືອກເຟັ້ນຫຼາຍກວ່າໃນການຊົມບັນດາຮູບແບບສະແດງສິລະປະ, ບັນດາປະເພດສິລະປະພື້ນເມືອງຄື ຂັບຕວງ, ຂັບແຈວ, ຂັບກາຍເລືອງ, ຂັບກາຈູ ເບິ່ງຄືວ່າບໍ່ໄດ້ຮັບຄວາມສົນໃຈຫຼາຍຈາກໄວໝຸ່ມ. ແຕ່ໃນປັດຈຸບັນ, ຍ້ອນຄວາມມານະພະຍາຍາມຂອງບັນດານັກສິລະປິນ ແລະ ວົງຄະນາຍາດສິລະປະ, ບັນດາເພື່ອນໜຸ່ມ ໄດ້ຄ່ອຍໆມີການປ່ຽນແປງ ເມື່ອມີຄວາມເປັນເຈົ້າການຊອກຮູ້, ຊອກຄວາມເຂົ້າໃຈ ແລະ ຮັກສາສິລະປະພື້ນເມືອງ. ປັດຈຸບັນຜູ້ຄົນທັງຫຼາຍກໍ່ເຄີຍພົບເຫັນພວກໄວໜຸ່ມ ນິຍົມຮັບຊົມການສະແດງສິລະປະຂັບແຈວ ຢູ່ຕາມເດີ່ນສາລາ, ລາຍການສະແດງສິລະປະພື້ນເມືອງຂັບກວນເຫາະ, ຂັບກາຍເລືອງ, ຂັບກາຈູ…

(VOVWORLD) -ສຳລັບພໍ່ແມ່ປະຊາຊົນບັນດາເຜົ່າ ຢູ່ບັນດາແຂວງເຂດພູດອຍ, ຕະຫຼາດນັດບໍ່ພຽງແຕ່ແມ່ນແຫ່ງຊື້ຂາຍ, ແລກປ່ຽນສິນຄ້າເທົ່ານັ້ນ ຫາກຍັງເຂັ້ມຂົ້ນໄປດ້ວຍສີສັນວັດທະນະທຳ ທີ່ເປັນເອກະລັກສະເພາະຂອງແຕ່ລະເຂດອີກດ້ວຍ. ຕະຫຼຕະຫຼາດນັດຂາຍງົວຄວາຍ ຈ່າຫຼິງ ໃນແຂວງ ກາວບັງ ເມື່ອມີຕະຫຼາດນັດໃນແຕ່ລະເທື່ອກໍ່ແມ່ນວັນບຸນ ເຊິ່ງຢູ່ທີ່ນີ້ພໍ່ແມ່ພີ່ນ້ອງໄດ້ພົບກັນ, ແລກປ່ຽນຊື້ຂາຍງົວຄວາຍ… ເພື່ອຮັບໃຊ້ການຜະລິດກະສິກຳ.  

(VOVWORLD) -ປີ 2009, ຂັບກວານເຫາະຂອງ ຫວຽດນາມ ໄດ້ຮັບການຮັບຮອງຈາກອົງການ Unesco ວ່າແມ່ນມໍລະດົກວັດທະນະທຳບໍ່ເປັນວັດຖຸ ເປັນຕົວແທນຂອງມວນມະນຸດ. ພາຍຫຼັງໄດ້ຮັບການຮັບຮອງເປັນເວລາ 10, ບັກນິງ ເຊິ່ງແມ່ນອູ່ໃຫ້ກຳເນີດປະເພດສິລະປະພື້ນເມືອງນີ້ ໄດ້ປະຕິບັດບັນດາເນື້ອໃນເຊິ່ງ ຫວຽດນາມ ໄດ້ໝັ້ນໝາຍກັບ Unesco ກ່ຽວກັບການອະນຸລັກຮັກສາສິລະປະຂັບກວານເຫາະໃຫ້ເປັນຢ່າງດີ

(VOVWORLD) -ໂດຍໄດ້ກາຍເປັນເຫດການຖືກຈັດຂຶ້ນ ໃນໂອກາດຕົ້ນລະດູບານໃໝ່ໃນແຕ່ລະປີ, ວັນບຸນ “ສີສັນລະດູບານໃໝ່ຢູ່ທຸກແຖບຖິ່ນຂອງປະເທດຊາດ” ປີ 2019 ໄດ້ຖືກໄຂຂຶ້ນໃນວັນທີ 12 ກຸມພາ ຢູ່ບ້ານວັດທະນະທຳ-ທ່ອງທ່ຽວບັນດາເຜົ່າຫວຽດນາມ ທີ່ ດົ່ງໂມ ເຊີນເຕິຍ ຮ່າໂນ້ຍ. ວັນບຸນແມ່ນເພື່ອແນໃສ່ເຊີດຊູສີສັນວັດທະນະທຳບັນດາເຜົ່າ ຫວຽດນາມ ແລະ ປະກອບສ່ວນອະນຸລັກຮັກສາ, ເສີມຂະຫຍາຍບັນດາຄຸນຄ່າວັດທະນະທຳບັນດາເຜົ່າ, ເພີ່ມທະວີກຸ່ມກ້ອນມະຫາສາມັກຄີທົ່ວປວງຊົນທັງຊາດ ໃນວົງຄະນາຍາດບັນດາເຜົ່າ ຫວຽດນາມ

(VOVWORLD) -ເມື່ອບຸນເຕັດລະດູບານໃໝ່ວຽນມາ ກໍ່ແມ່ນຈຸດເວລາເລີ່ມຕົ້ນປີໃໝ່ດ້ວຍຄວາມມຸ່ງມາດປາຖະໜາໃໝ່ທີ່ດີງາມ. ໃນໂອກາດຕົ້ນລະດູບານໃໝ່, ຕົ້ນປີໃໝ່, ຊາວຫວຽດນາມເຄີຍມີປະເພນີເປັນວັດໄປວາ ເພື່ອພາວະນາໃຫ້ປະສົບສິ່ງທີ່ດີທີ່ງາມມີໂຊກມີລາບມີຄວາມໂຊກດີເມື່ອກ້າວເຂົ້າສູ່ປີໃໝ່. ປະເພນີນີ້ໄດ້ກາຍເປັນຄວາມງາມທາງດ້ານວັດທະນະທຳຈິດວິນຍານໃນຊີວິດຂອງຊາວ ຫວຽດນາມ.

(VOVWORLD) -ແຕ່ດົນນານມາແລ້ວ ເລື່ອງໄປອ່ານປຶ້ມຢູ່ຫໍສະໝຸດ ໄດ້ກາຍເປັນຄວາມລື້ງເຄີຍຂອງຫຼາຍຄົນ ເພື່ອແນໃສ່ເພີ່ມລະດັບຄວາມຮູ້ຮັບໃຊ້ພາລະກິດ ແລະ ຊີວິດທາງດ້ານຈິດໃຈຂອງຕົນ. ໃນຊຸມປີມໍ່ໆມານີ້, ວິທະຍາສາດເຕັກໂນໂລຊີໄດ້ພັດທະນາຢ່າງແຂງແຮງ, ຄວາມລື້ງເຄີຍຂອງຜູ້ນຳໃຊ້ຫໍສະໝຸດກໍ່ມີການປ່ຽນແປງຫຼາຍຢ່າງ, ຄວາມຈິງໄດ້ວາງສິ່ງທ້າທາຍບາງຢ່າງສຳລັບລະບົບຫໍສະໝຸດຢູ່ ຫວຽດນາມ

(VOVWORLD) -ການອະນຸລັກຮັກສາ ແລະ ເສີມຂະຫຍາຍສີສັນວັດທະນະທຳຂອງແຕ່ລະຊົນເຜົ່າ ໃນມະຫາຄອບຄົວບັນດາເຜົ່າ ຫວຽດນາມ ແມ່ນບັນຫາໄດ້ຮັບຄວາມເອົາໃຈໃສ່ເປັນພິເສດຈາກພັກ ແລະ ລັດ ຫວຽດນາມ ເພາະວ່າວັດທະນະທຳ ທັງແມ່ນພື້ນຖານວັດທະນະທຳທາງດ້ານຈິດໃຈ ທັງແມ່ນເປົ້າໝາຍກຳລັງໜູນຂອງການພັດທະນາຂອງຊາດ. ເຖິງຢ່າງໃດກໍ່ຕາມໃນໄລຍະເຊື່ອມໂຍງເຂົ້າກັບສາກົນ, ສີສັນວັດທະນະທຳຂອງບາງຊົນເຜົ່າ ພວມຢືນຢູ່ຕໍ່ໜ້າຄວາມສ່ຽງຖືກສູນຫາຍໄປ, ຕ້ອງການມີມາດຕາການອະນຸລັກຮັກສາໄວ້