(VOVWORLD) - ການປະຕິຮູບດ້ານບໍລິຫານ, ຫລຸດຜ່ອນບັນດາລະບຽບການເພື່ອສ້າງຄວາມສະດວກໃຫ້ແກ່ສະພາບແວດລ້ອມແຫ່ງການລົງທຶນ, ດຳເນີນທຸລະກິດ ໄດ້ຮັບການກຳນົດວ່າແມ່ນຂອດບຸກທະລຸໃນການປັບປຸງສະພາບແວດລ້ອມແຫ່ງການດຳເນີນທຸລະກິດ, ຊຸກຍູ້ເສດຖະກິດພັດທະນາ. ຫນ້າທີ່ນີ້ໄດ້ຮັບການຜັນຂະຫຍາຍຢ່າງຕັ້ງຫນ້າໃນໄລຍະຜ່ານມາ ຈາກບັນດາທ້ອງຖິ່ນ, ພ້ອມກັບບັນດາກະຊວງ, ຂະແຫນງການຂອງຫວຽດນາມ ແລະ ບັນລຸໄດ້ບັນດາໝາກຜົນດີພໍສົມຄວນ.

(VOVWORLD) -ໂດຍແມ່ນແຂວງຫນຶ່ງຢູ່ແຄມທະເລ ແລະ ນອນໃນເຂດເສດຖະກິດຈຸດສຸມທາງພາກໃຕ້, ແມ່ນຫນຶ່ງໃນບັນດາສະຖານທີ່ຄົມມະນາຄົມສຳຄັນໃນເຂດທາງທິດຕາເວັນອອກພາກໃຕ້ຫວຽດນາມ. ດ້ວຍຄວາມສາມາດບົ່ມຊ້ອນ, ທ່າແຮງນັ້ນ ເຂດທະເລຢູ່ ບ່າເຣ້ຍຫວູງເຕົາ ມີຄວາມສຳຄັນຍຸດທະສາດ ໃນກິດຈະການສ້າງສາ ແລະ ປົກປັກຮັກສາປະເທດຊາດ. ໂດຍປະຕິບັດຍຸດທະສາດທະເລຫວຽດນາມ ຮອດປີ 2020, ແຂວງ ບ່າເຣ້ຍ ຫວູງເຕົາ ໄດ້ສຸມໃສ່ລົງທຶນພັດທະນາຢ່າງແຮງທາງດ້ານເສດຖະກິດທະເລຕິດພັນກັບການປົກປັກຮັກສາອະທິປະໄຕເຂດທະເລໝູ່ເກາະ.

(VOVWORLD) -ດ້ວຍການສ້າງຍຸດທະສາດດຶງດູດການລົງທຶນໂດຍມີການຄັດເລືອກ, ໜູນຊ່ວຍນັກລົງທຶນ ດ້ວຍບັນດາວຽກງານລະອຽດ, ນຳຂໍ້ກຳນົດກ່ຽວກັບເວລາໃນການແກ້ໄຂລະບຽບການ, ເອກະສານລົງທຶນ ກາຍເປັນຂໍ້ກຳນົດບັງຄັບ... ແຂວງບ່າເຣ້ຍ-ຫວູງເຕົ່າ ພວມສ້າງພາບພົດກ່ຽວກັບເຂດດິນແດນທີ່ມີຄວາມສາມາດບົ່ມຊ້ອນ ແລະ ຈະນໍາມາເຊິ່ງໝາກຜົນຫຼາຍຢ່າງໃຫ້ແກ່ບັນດານັກລົງທຶນທັງພາຍໃນ ແລະ ຕ່າງປະເທດ.

(VOVWORLD) -ແຂວງ ບີງເຢືອງ ນອນໃນເຂດເສດຖະກິດຈຸດສຸມທາງພາກໃຕ້, ດ້ວຍສະພາບແວດລ້ອມແຫ່ງການລົງທຶນຢ່າງສະດວກສະບາຍ ແລະ ພວມແມ່ນສະຖານທີ່ດຶງດູດນັກລົງທຶນຕ່າງປະເທດເປັນຈຳນວນຫລວງຫລາຍ. ມາຮອດປະຈຸບັນ, ແຂວງ ບີງເຢືອງ  ມີເກືອບ 3.400 ໂຄງການ FDI ດ້ວຍຍອດຈຳນວນທຶນຈົດທະບຽນກວ່າ 30 ຕື້ USD ແລະ ແມ່ນແຂວງ ມີຍອດຈຳນວນເງິນລົງທຶນຂອງຕ່າງປະເທດຢືນອັນດັບ 3 ຂອງທັງປະເທດ, ພຽງຖັດຈາກ ນະຄອນ ໂຮ່ຈິມີນ ແລະ ຮ່າໂນ້ຍ. ເພື່ອແນໃສ່ສືບຕໍ່ຍູ້ແຮງການດຶງດູດເງິນລົງທຶນຂອງຕ່າງປະເທດ, ແຂວງ ບີງເຢືອງ ພວມປະຕິບັດຫລາຍມາດຕະການ ເພື່ອແນໃສ່ແກ້ໄຂຄວາມຫຍຸ້ງຍາກ, ຫນູນຊ່ວຍໃຫ້ບັນດາວິສາຫະກິດ.

(VOVWORLD) -ໂຄງການດຳເນີນງານກ່ຽວກັບການພັດທະນາແບບຍືນຍົງ ຮອດປີ 2030 ຂອງ ສະຫະປະຊາຊາດ ໄດ້ກາຍເປັນຍຸດທະສາດພັດທະນາຂອງທົ່ວໂລກ, ໃນນັ້ນມີຫວຽດນາມ. ໂຄງການດຳເນີນງານ ລວມມີ 17 ຄາດໝາຍ ໂດຍປິ່ນອ້ອມ 03 ເສົາຄ້ຳ ເສດຖະກິດ - ສັງຄົມ - ສິ່ງແວດລ້ອມ, ໃນນັ້ນມີ 04 ຄາດໝາຍກ່ຽວຂ້ອງໂດຍກົງເຖິງສິ່ງແວດລ້ອມ. ລັດຖະບານຫວຽດນາມ ໄດ້ສຸມທຸກແຫຼ່ງກຳລັງທີ່ຈຳເປັນ ເພື່ອປະຕິບັດສຳເລັດບັນດາເປົ້າໝາຍພັດທະນາແບບຍືນຍົງ; ໃນນັ້ນ ໄດ້ສຸມໃສ່ໜ້າທີ່ປົກປັກຮັກສາສິ່ງແວດລ້ອມ. 

(VOVWORLD) -ໂດຍໄດ້ຮັບການສ້າງຕັ້ງເມື່ອວັນທີ 11 ກໍລະກົດປີ 1994, ໃນໄລຍະ 24 ປີຜ່ານມາ, ອົງການກວດສອບແຫ່ງລັດຫວຽດນາມ ໄດ້ພັດທະນາຢ່າງບໍ່ຢຸດຢັ້ງ, ປະກອບສ່ວນເຂົ້າໃນພາລະກິດສ້າງພື້ນຖານການເງິນແຫ່ງຊາດ. ເດືອນກັນຍາປີ 2018, ອົງການກວດສອບຫວຽດນາມ ໄດ້ກາຍເປັນປະເທດເຈົ້າພາບຈັດກອງປະຊຸມໃຫຍ່ບັນດາອົງການກວດສອບສູງສຸດ ອາຊີ ຄັ້ງທີ 14 (ASOSAI 14). ນີ້ໄດ້ຮັບຖືວ່າ ແມ່ນຈຸດເດັ່ນສຳຄັນໃນວິວັດການເຊື່ອມໂຍງ ແລະ ການຮ່ວມມືສາກົນ ຂອງ ອົງການກວດສອບແຫ່ງລັດຫວຽດນາມ ນັບແຕ່ເມື່ອເຂົ້າເປັນສະມາຊິກຂອງ ASOSAI ໃນເດືອນມັງກອນປີ 1997.

(VOVWORLD) -ກອງປະຊຸມໃຫຍ່ບັນດາອົງການກວດສອບບັນຊີສູງສຸດໃນພາກພື້ນ ອາຊີ ຄັ້ງທີ 14 (ASOSAI 14) ຈະດຳເນີນແຕ່ວັນທີ 19-22 ກັນຍາປີ 2018 ຢູ່ ນະຄອນຫລວງ ຮ່າໂນ້ຍ. ບັນດາສິ່ງທ້າທາຍກ່ຽວກັບມົນລະພິດສິ່ງແວດລ້ອມແມ່ນເນື້ອໃນສຳຄັນຕົ້ນຕໍຊື່ງໄດ້ຮັບຄວາມສົນໃຈຈາກຫລາຍປະເທດທີ່ກອງປະຊຸມໃຫຍ່ຄັ້ງນີ້. ດ້ວຍບົດບາດເປັນປະເທດເຈົ້າພາບ, ໂດຍຜ່ານ ASOSAI 14, ອົງການກວດສອບບັນຊີແຫ່ງລັດຫວຽດນາມ ເປັນເຈົ້າການຜັນຂະຫຍາຍຫລາຍມາດຕະການໃນການກວດສອບບັນຊີສິ່ງແວດລ້ອມ ເພື່ອແນໃສ່ຕອບສະຫນອງຄວາມຮຽກຮ້ອງຕ້ອງການພຶດຕິກຳຕົວຈິງ, ສອດຄ່ອງກັບທ່າອ່ຽງ ແລະ ທຳນຽມສາກົນ.

(VOVWORLD) -ການເຄື່ອນໄຫວຜະລິດດໍາເນີນທຸລະກິດຢູ່ແຂວງ ເບ໋ນແຈ ຂອງຫວຽດນາມ ໃນປັດຈຸບັນ ພັດທະນາຢ່າງແຮງ, ຜ່ານໂຄງການ ດົງເຂີຍ - start up ແລະ ພັດທະນາວິສາຫະກິດ ໂດຍອໍານາດການປົກຄອງແຂວງປຸກລະດົມ. ຈາກໂຄງການດັ່ງກ່າວ, ໄດ້ສ້າງກໍາລັງໜູນຊຸກຍູ້ການເຄື່ອນໄຫວ start up ຢູ່ດິນແດນແຫ່ງໝາກພ້າວ ໃຫ້ນັບມື້ນັບມີຄວາມແທດຈິງ ແລະ ບັນລຸປະສິດທິຜົນສູງ. ບົດຂຽນຂອງນັກຂ່າວວິທະຍຸກະຈາຍສຽງຫວຽດນາມ.

(VOVWORLD) -ເພື່ອແນໃສ່ຮັບປະກັນການກວດກາ, ຄວບຄຸມ, ກວດສອບ, ການແຈ້ງຕົ້ນກໍາເນີດຂອງສິນໃນນໍ້າ, ສິນທະເລທີ່ໄດ້ຂຸດຄົ້ນມາ ຢ່າງຄົບຖ້ວນ ແລະໂປ່ງໃສ, ຄະນະກໍາມະການປະຊາຊົນ ນະຄອນດາໜັງ ຫາກໍອະນຸມັດຜ່ານແຜນການກວດສອບ,ກວດກາ, ຄວບຄຸມອາຊີບຫາປາໃນບໍລິເວນນະຄອນ.ແຜນການດັ່ງກ່າວກໍ່ໄດ້ແຈ້ງໃຫ້ບັນດາວິສາຫະກິດ, ຊາວປະມົງ ຮັບຊາບ ກ່ຽວກັບບັນດາຂໍ້ກໍານົດ,ວີທີການສໍາຜັດຕີລາຄາຄວາມສ່ຽງ, ບັນດາມາດຕະຖານກວດກາ ເພື່ອຮັບປະກັນປະຕິບັດການຄວບຄຸມ,ສະກັດກັ້ນບັນດາການເຄື່ອນໄຫວຫາປາຢ່າງຜິດກົດໝາຍ, ບໍ່ມີການລາຍງານແລະບໍ່ໄດ້ຮັບການຄຸ້ມຄອງ (ເອີ້ນຫຍໍ້ວ່າ IUU) ຕາມການແນະນໍາຂອງຄະນະກໍາມະການເອີຣົບ (EC).

(VOVWORLD) -ໂຄງການວິທະຍາສາດເຕັກໂນໂລຊີ ຮັບໃຊ້ການກໍ່ສ້າງຊົນນະບົດໃຫມ່ ຫາກໍ່ໄດ້ຮັບການອະນຸມັດຈາກລັດຖະບານຫວຽດນາມໃນປີ 2012 ດ້ວຍຍອດງົບປະມານແມ່ນ 221 ຕື້ດົງ. ພາຍຫລັງ 5 ປີແຫ່ງການຜັນຂະຫຍາຍ, ໂຄງການດັ່ງກ່າວຕອບສະຫນອງໄດ້ສ່ວນໃດຫນຶ່ງຂອງບັນດາເປົ້າໝາຍ, ຫນ້າທີ່ທີ່ໄດ້ຮັບການມອບໝາຍ, ປະກອບສ່ວນຢ່າງແທດຈິງນັບທັງພື້ນຖານທິດສະດີ, ກົນໄກ, ນະໂຍບາຍ ແລະ ຖ່າຍທອດວິທະຍາສາດເຕັກໂນໂລຊີຢ່າງມີປະສິດທິຜົນເພື່ອພັດທະນາກະສິກຳຢູ່ຫວຽດນາມ.