(VOVWORLD) -ຕາມການຕີລາຄາລວມຂອງບັນດານັກຊ່ຽວຊານ ແລ້ວ, ສະພາບການເສດຖະກິດ ແລະ ບັນດາການເຄື່ອນໄຫວຜະລິດ, ດໍາເນີນທຸລະກິດຂອງບັນດາວິສາຫະກິດໃນ  ເຂດທົ່ງພຽງແມ່ນໍ້າຂອງທາງພາກໃຕ້ຫວຽດນາມ ແມ່ນມີການຜັນປ່ຽນຢ່າງຕັ້ງໜ້າໃນ 06 ເດືອນຕົ້ນປີ 2018. ວິສາຫະກິດໃນເຂດສ່ວນຫຼາຍເຄື່ອນໄຫວຜະລິດ, ດໍາເນີນທຸລະກິດຢ່າງມີປະສິດທິຜົນ, ເສດຖະກິດເຕີບໂຕບັນລຸປະມານ 9%, ສູງກວ່າຫຼາຍ ເມື່ອທຽບໃສ່ລະດັບເຕີບໂຕລວມຂອງທົ່ວປະເທດ. ບັນລຸໄດ້ໝາກຜົນດັ່ງກ່າວ ແມ່ນຍ້ອນຄວາມມານະພະຍາຍາມລວມຂອງບັນດາແຂວງໃນເຂດ ໃນການເພີ່່ມທະວີຄວາມດຶງດູດການລົງທຶນ, ສ້າງກໍາລັງໜູນພັດທະນາໃຫ້ເຂດທົ່ງພຽງແມ່ນໍ້າຂອງທາງພາກໃຕ້ຫວຽດນາມ.

(VOVWORLD) -ດ້ວຍນະໂຍບາຍທີ່ສະດວກສະບາຍນັ້ນ, ໄລຍະຜ່ານມາ ວິສາຫະກິດ ທີ່ມີເງິນລົງທຶນຂອງຕ່າງປະເທດ (FDI) ໄດ້ຮັບບຸລິມະສິດຫລາຍຢ່າງ ແລະ ໄດ້ມີການປະກອບສ່ວນຫລາຍພໍສົມຄວນໃຫ້ແກ່ພື້ນຖານເສດຖະກິດ. ເຖິງຢ່າງໃດກໍຕາມ, ຄຽງຄູ່ກັນນັ້ນ ຍັງມີວິສາຫະກິດ FDI ຫລາຍແຫ່ງ ສວຍໃຊ້ນະໂຍບາຍບຸລິມະສິດເພື່ອປະຕິບັດບັນດາການເຄື່ອນໄຫວໂອນລາຄາ (Transfer Pricing) , ຕົວຈິງ ມີກຳໄລແຕ່ລາຍງານວ່າຖືກຫລຸບທຶນ, ເຮັດໃຫ້ເສຍລາຍຮັບເຂົ້າງົບປະມານ, ສົ່ງຜົນກະທົບບໍ່ດີເຖິງສະພາບແວດລ້ອມແຫ່ງການລົງທຶນ. ເພື່ອຕ້ານການໂອນລາຄາ, ບັນດາອົງການກ່ຽວຂ້ອງຂອງຫວຽດນາມ ພວມສ້າງສຳເລັດກອບນິຕິກຳເພື່ອແນໃສ່ສ້າງສະພາບແວດລ້ອມແຫ່ງການລົງທຶນໃຫ້ໂປ່ງໃສ, ຮັບປະກັນການຕ້ານສະພາບເກັບພາສີບໍ່ໄດ້ຕາມຄາດໝາຍ ຢ່າງມີປະສິດທິຜົນ.

(VOVWORLD) -ການສົ່ງອອກສິນຄ້າໂດຍກົງເຂົ້າບັນດາລະບົບຈໍາໜ່າຍທີ່ທັນສະໄໝຂອງຕ່າງປະເທດ ໄດ້ຮັບຖືວ່າ ແມ່ນຮູບການສົ່ງອອກທີ່ມີປະສິດທິຜົນ, ຍືນຍົງ. ສະນັ້ນ,ມີວິສາຫະກິດຫວຽດນາມຫຼາຍແຫ່ງຢາກປະຕິບັດຕາມ. ປີ 2018, ກະຊວງອຸດສາຫະກໍາ ແລະ ການຄ້າຫວຽດນາມ ໄດ້ຜັນຂະຫຍາຍແຜນຮ່າງ “ຊຸກຍູ້ວິສາຫະກິດຫວຽດນາມເຂົ້າຮ່ວມໂດຍກົງກັບບັນດາເຄືອຂ່າຍຈໍາໜ່າຍຕ່າງປະເທດ” ເພື່ອແນໃສ່ເພີ່ມທະວີການສົ່ງເສີມການຄ້າ, ໂຄສະນາເຄື່ອງໝາຍການຄ້າຂອງຫວຽດນາມ, ພ້ອມທັງສ້າງກາລະໂອກາດເປີດກວ້າງຕະຫຼາດ ເພື່ອໃຫ້ສິນຄ້າຂອງຫວຽດນາມປະກົດຢູ່ໃນລະບົບຈໍາໜ່າຍຕ່າງປະເທດຫຼາຍກວ່າອີກ.

(VOVWORLD) -ພາຍຫລັງເກືອບ 3 ປີແຫ່ງການຜັນຂະຫຍາຍປະຕິບັດໂຄງການຍົກສູງຄຸນນະພາບການເຕີບໂຕ, ກຳລັງຄວາມສາມາດແກ້ງແຍ້ງດ້ານເສດຖະກິດຂອງນະຄອນໂຮ່ຈິມີນ ສືບຕໍ່ຮັກສາການເຕີບໂຕຢູ່ໃນລະດັບສູງ ແລະ ສະຖຽນລະພາບ. ເຖິງຢ່າງໃດກໍຕາມ ເພື່ອຕອບສະຫນອງຄຳຮຽກຮ້ອງຕ້ອງການການພັດທະນາໃນໄລຍະໃຫມ່, ນະຄອນ ໂຮ່ຈິມີນ ພວມເປັນເຈົ້າການແກ້ໄຂບັນດາຮົ້ວກີດຂວາງເພື່ອໃຫ້ດ້ານເສດຖະກິດພັດທະນາແບບຍືນຍົງ.

(VOVWORLD) -ທີ່ກອງປະຊຸມ “ຮ່າໂນ້ຍປີ 2018: ການລົງທຶນ ແລະ ພັດທະນາ” ດຳເນີນໃນວັນທີ 17 ມິຖຸນາ ຢູ່ ຮ່າໂນ້ຍ, ນະຄອນ ຮ່າໂນ້ຍ ໄດ້ມອບຂໍ້ຕົກລົງ ແລະ ຫນັງສືຢັ້ງຢືນແຜນນະໂຍບາຍລົງທຶນໃຫ້ແກ່ 71 ໂຄງການ ດ້ວຍຍອດຈຳນວນເງິນລົງທຶນກວ່າ 17 ຕື້ USD. ດ້ວຍຈຳນວນໂຄງການໃຫມ່ນີ້, ຮ່າໂນ້ຍ ໄດ້ບືນຂຶ້ນຢືນອັນດັບ 2 ໃນທົ່ວປະເທດກ່ຽວກັບການດຶງດູດການລົງທຶນຂອງຕ່າງປະເທດ.

(VOVWORLD) -ວັນທີ 1 ມີຖຸນາ ປີ 2018, ດຳລັດເລກທີ 51 ຂອງລັດຖະບານຫວຽດນາມ ມີຜົນສັກສິດ. ດຳລັດສະບັບນີ້ ເພີ່ມເຕີມບາງມາດຕາໃນ ດຳລັດເລກທີ 158 ຂອງລັດຖະບານ ລົງວັນທີ 28 ເດືອນທັນວາປີ 2006 ກຳນົດລະອຽດກົດໝາຍການຄ້າກ່ຽວກັບການເຄື່ອນໄຫວຊື້ຂາຍສິນຄ້າ ຜ່ານພະແນກຕິດຕໍ່ຄ້າຂາຍສິນຄ້າ. ດຳລັດເລກທີ 51 ມີຫລາຍເນື້ອໃນເປີດ ແລະ ມີຄວາມສະດວກໃຫ້ແກ່ການເຄື່ອນໄຫວຂອງສູນຕິດຕໍ່ຄ້າຂາຍສິນຄ້າ, ເປັນຕົ້ນແມ່ນເມື່ອສົ່ງສິນຄ້າອອກສູ່ຕ່າງປະເທດ, ຊ່ວຍຍົກສູງລັກສະນະແກ່ງແຍ້ງຂອງຜະລິດຕະພັນກະເສດຂອງຫວຽດນາມ.