Tuynidi ລະນຶກຄົບຮອບ 1 ປີແຫ່ງວັນປະທານາທິບໍດີປະເທດນີ້ຖືກໂຄ້ນລົ້ມ
ວັນທີ 14/1, Tuynidi ໄດ້ລະນຶກ 1 ປີແຫ່ງວັນປະທານາທິບໍດີປະເທດນີ້ທ່ານ Ben Ali ຖືກໂຄ້ນລົ້ມ ພາຍຫຼັງບັນດາການແຫ່ຂະບວນປະທ້ວງຂະໜາດໃຫຍ່ຂອງຝ່າຍຄ້ານ. ພາຍຫຼັງທ່ານປະທານາທິບໍດີ Ben Ali ຖືກໂຄ້ນລົ້ມ, Tuynidi ໄດ້ດຳເນີນການເລືອກຕັ້ງສະພານິຕິບັນຍັດ ແລະ ລັດຖະບານປະສົມລະຫວ່າງພັກອິດສະລາມ Ennahda ແລະ ພັກກອງປະຊຸມໃຫຍ່ເພື່ອສາທາລະນະລັດ. ໜຶ່ງປີໄດ້ລວງເລີຍນັບແຕ່ເມື່ອອຳນາດການປົກຄອງໃໝ່ຖືກໂຄ້ນລົ້ມ, ແຕ່ມາຮອດປະຈຸບັນ Tuynidi ຍັງປະສົບກັບຄວາມຫຍູ້ງຍາກຫຼາຍຢ່າງ, ໄພຫວ່າງງານໄດ້ເພີ່ມແຕ່ 6 ແສນຄົນຂຶ້ນເຖິງ 8 ແສນ 5 ໝື່ນຄົນ. ເສດຖະກິດຂອງ Tuynidi ໃນປີ 2011 ເກືອບຄືວ່າຖືກຢຸດສະງັກ, ໃນຂະນະທີ່ປີ 2010 ລະດັບຈະເລີນເຕີບໂຕແມ່ນ 3%. ປະຊາຊົນ Tuynidi ຫຼາຍຄົນໄດ້ສະແດງຄວາມສະໜັບສະໜູນກັບລັດຖະບານປະຈຸບັນໃນການປະຕິບັດບັນດາຈຸດໝາຍເພື່ອແນໃສ່ຊຸກຍູ້ການພັດທະນາ ແລະ ສ້າງສະຖຽນລະພາບຂອງປະເທດ ອາຟຣີກກາເໜືອນີ້.
