ຕະຫລາດນ້ຳຢູ່ເຂດທົ່ງພຽງແມ່ນ້ຳຂອງ ພາບປະກອບ:internet (vovworld)- ຕອນ​ຄຳ່​ວັນ​ທີ 7/9, ກະຊວງ​ວັດທະນະທຳ ​ກິລາ ແລະ ທ່ອງ​ທ່ຽວຫວຽດນາມ ສົມທົບ​ກັບ​ຄະນະ​ກຳມະການ​ປະຊາຊົນ​ແຂວງ ອານ​ຢາງ ຈັດ​ຕັ້ງ​ງານ​ມະ​ໂຫລານ​ສະ​ແດງ​ສິລະ​ປະ, ກິລາ, ວາງສະ​ແດງ​ກ່ຽວ​ກັບ​ການ​ກໍ່ສ້າງ​ຊີວິດ​ທາງ​ດ້ານ​ວັດທະນະທຳ​ຊົນນະບົດ​ໃຫມ່​ຢູ່​ພາກ​ໃຕ້​ຫວຽດນາມ ປີ 2013. ກ່າວ​ຄຳ​ເຫັນ​ໄຂ​ງານ​ມະ​ໂຫລານ, ທ່ານ ຮີ່ງຫວີງ​ອາຍ, ຮອງ​ລັດຖະມົນຕີ​ກະຊວງ​ວັດທະນະທຳ​ກິລາ ​ແລະ ການທ່ອງທ່ຽວ ​ໄດ້​ເນັ້ນ​ຫນັກ​ວ່າ: ຈຸດໝາຍ​ງານ​ມະ​ໂຫລານ​ຄັ້ງ​ນີ້ ​ແມ່ນ​ປະກອບສ່ວນ​ຍົກ​ສູງ​ຊີວິດ​ດ້ານ​ວັດທະນະທຳ, ຈິດ​ໃຈ​​ໃຫ້​ແກ່​ປະຊາຊົນ, ຍູ້​ແຮງ​ວຽກ​ງານ​ໂຄສະນາ​ນະ​ໂຍບາຍຂອງ​ພັກ ​ແລະ ລັດ​ກ່ຽວ​ກັບ​ການ​ກໍ່ສ້າງ​ຊີວິດ​ດ້ານ​ວັດທະນະທຳ​ຊົນນະບົດ​ໃຫມ່. ພ້ອມ​ທັງ​ຜ່ານ​ງານ​ມະ​ໂຫລານ ສ້າງ​ບັນຍາກາດ​​ເບິ​ກບານ​ມ່ວນ​ຊ່ືນ,​ລະດົມ​ກຳລັງ​ໃຈ​ຢ່າງ​ຕັ້ງຫນ້າ​ໃຫ້​ແກ່​ຂະ​ບວນການ​ແຂ່ງ​ຂັນ​ອອກ​ແຮງ​ງານ​ທຳ​ການ​ຜະລິດ“ ທົ່ວ​ປະ​ເທດ​ຮ່ວມ​ແຮງ​ຮ່ວມ​ໃຈ​ກໍ່ສ້າງ​ຊົນນະບົດ​ໃຫມ່​”.