ນັກການທູດບັນດາປະເທດ ອັງກິດ, ຝຣັ່ງ, ລັດເຊຍ, ຈີນ, ເຢຍລະມັນ ແລະ ອີຣານ ພວມພິຈາລະນາບັນດາບັນຫາທີ່ກ່ຽວຂ້ອງເຖິງການປະຕິບັດຂໍ້ຕົກລົງນິວເຄຼຍ ຫຼື ເອີ້ນວ່າ ແຜນດຳເນີນງານລວມຮອບດ້ານ (JCPOA), ພາຍຫລັງ ອີຣານ ຖະແຫຼງການສະສົມ ຢູລານຽມ ກໍ່ຄືລະດັບເສີມນິວເຄຼຍລື່ນກາຍລະດັບທີ່ໄດ້ກຳນົດໃນຂໍ້ຕົກລົງ ເຊິ່ງເຊັນກັບບັນດາປະເທດມະຫາອຳນາດປີ 2015. ບັນດາປະເທດມະຫາອຳນາດ ແລະ ອີຣານ ປະຊຸມດ່ວນຢູ່ ວຽນນາ (ພາບ: AP)         ກອງປະຊຸມນີ້ ໄດ້ຮຽກໂຮມໃນສະພາບຄວາມເຄັ່ງຕຶງລະຫວ່າງ ອີຣານ ແລະ ຝ່າຍຕາເວັນຕົກ ປີນຂັ້ນໄດ, ດ້ວຍບັນດາເຫດກັກກ່ຳປັ່ນຢູ່ເຂດອ່າວເປີເຊຍ, ພ້ອມກັບເລື່ອງ ອຳນາດການປົກຄອງ ເຕເຮຣານ ຖະແຫຼງຢຸດຕິການປະຕິບັດບາງຄຳໝັ້ນສັນຍາໃນຂໍ້ຕົກລົງນິວເຄຼຍ, ພ້ອມທັງດຳເນີນການເສີມທາດ ຢູລານຽມ ລື່ນກາຍລະດັບ 3,67% ເຊິ່ງໄດ້ກຳນົດໃນຂໍ້ຕົກລົງ.