ຫົວໂປ່ຂະແມແດງ Nuon Chea (ພາບ:  AFP) ທ່ານ Neth Pheaktra ໂຄສົກຂອງ ECCC ຢືນຢັນວ່າ ນັກໂທດ Nuon Chea ໄດ້ເສຍຊີວິດໃນຕອນຄ່ຳວັນທີ 04 ສິງຫາ ຢູ່ໂຮງໝໍມິດຕະພາບຂະແມ - ໂຊວຽດ ຢູ່ນະຄອນຫລວງ ພະນົມເປັນ.         ECCC ແມ່ນສານພິເສດຢູ່ ກຳປູເຈຍ ໂດຍສະຫະປະຊາຊາດ ແລະ ລັດຖະບານ ກຳປູເຈຍ ສ້າງຕັ້ງຂຶ້ນແຕ່ປີ 2006 ແນໃສ່ພິພາກສາບັນດາໂທດກຳໂດຍບັນດາການນຳລະບອບຂະແມແດງກໍ່ຂຶ້ນ.         ວັນທີ 16 ພະຈິກ 2018, ECCC ໄດ້ປະກາດການຕັດສິນໂທດຈຳຄຸກຕະຫລອດຊີວິດສຳລັບອະດີດຫົວໂປ່ຂະແມແດງ 2 ຄົນ ນັ້ນແມ່ນ Nuon Chea ແລະ Khieu Samphan. ບົດກ່າວໂທດຂອງ ECCC ຊີ້ແຈ້ງວ່າ: ນັກໂທດ 2 ຄົນດັ່ງກ່າວ ໄດ້ກໍ່ໂທດກຳອັນໂຫດຮ້າຍປ່າເຖືອນຕ້ານມວນມະນຸດ, ໂທດກຳສົງຄາມ ແລະ ໂທດກຳດັບສູນເຊື້ອຊາດ.