ກຳລັງພິທັກຮັກສາປະຕິວັດອິດສະລາມ ອີຣານ (IRGC) ຢືນຢັນວ່າ ປະຈຸບັນ, ອາເມລິກາ ບໍ່ມີທາງເລືອກທີ່ດີກ່ຽວກັບວິກິດການໃນປະຈຸບັນຫຼາຍອີກແລ້ວ. ຕາມນັ້ນແລ້ວ, ອາເມລິກາ ຈະຕ້ອງດຳເນີນບັ້ນການທະຫານບໍ່ອາດເປັນໄປໄດ້, ຫຼື ຕ້ອງຍອມຮັບຂໍ້ຕົກລົງຮ້າຍແຮງກັບ ອີຣານ.
ຄຳກ່າວເຕືອນໂດຍ IRGC ຍົກອອກມາໃນວັນທີ 03 ພຶດສະພາ, ບໍ່ຮອດເວລາ 1 ວັນເມື່ອທ່ານ Kazem Gharibabadi, ລັດຖະມົນຕີການຕ່າງປະເທດ ອີຣານ ຍົກອອກຄຳຖະແຫຼງກັບບັນດານັກການທູດຢູ່ ເຕເຮຣານ ທີ່ວ່າ, ປະຈຸບັນ ວໍຊິງຕັນ ຕ້ອງເລືອກເອົາລະຫວ່າງມາດຕະການດ້ານການທູດ, ຫຼື ສືບຕໍ່ດຳເນີນວິທີສຳພັດປະເຊີນໜ້າແຂງກະດ້າງກັບ ເຕເຮຣານ. ກ່ຽວກັບຝ່າຍ ອີຣານ, ປະເທດນີ້ໄດ້ກະກຽມໃຫ້ແກ່ທັງ 2 ແຜນການດັ່ງກ່າວ.
ໃນເຫດການທີ່ກ່ຽວຂ້ອງ, ວັນທີ 03 ພຶດສະພາ, ທ່ານ Donald Trump, ປະທານາທິບໍດີ ອາເມລິກາ ຖະແຫຼງຜັນຂະຫຍາຍບັ້ນໜູນຊ່ວຍບັນດາກຳປັ່ນພວມຕິດຄ້າງຢູ່ຊ່ອງແຄບທະເລ Hormuz, ເລີ່ມແຕ່ຕອນເຊົ້າວັນທີ 04 ພຶດສະພາ, ໃນສະພາບຄວາມເຄັ່ງຕຶງດ້ານຄວາມໝັ້ນຄົງໃນການເດີນເຮືອຢູ່ທະເລຢູ່ພາກພື້ນສືບຕໍ່ເພີ່ມຂຶ້ນ. ໃນບົດຂຽນເອົາລົງໃນຊື່ສັງຄົມອອນໄລຼ Truth Social ໃນຕອນບ່າຍວັນທີ 03 ພຶດສະພາ, ທ່ານປະທານາທິບໍດີ Donald Trump ໃຫ້ຮູ້ວ່າ, ບັ້ນເຄື່ອນໄຫວນີ້ມີລັກສະນະ “ມະນຸດສະທຳ”, ແນໃສ່ໜູນຊ່ວຍບັນດາປະເທດເປັນກາງ ບໍ່ກ່ຽວຂ້ອງເຖິງການປະທະກັນລະຫວ່າງ ອາເມລິກາ, ອິດສະຣາອັນ ແລະ ອີຣານ.
