ຕອນບ່າຍວັນທີ 21 ກໍລະກົດ, ຢູ່ຫໍສະພາແຫ່ງຊາດ, ທ່ານປະທານສະພາແຫ່ງຊາດ ເຈິ່ນແທັງເໝິນ ໄດ້ເປັນປະທານກອງປະຊຸມຄະນະປະຈຳຄະນະພັກສະພາແຫ່ງຊາດ ແລະ ຄະນະປະຈຳຄະນະພັກນະຄອນ ໂຮ່ຈີມິນ ກ່ຽວກັບຮ່າງກົດໝາຍວ່າດ້ວຍການພັດທະນາຕົວເມືອງ
ກ່າວຄຳເຫັນໄຂກອງປະຊຸມ, ທ່ານເຈິ່ນແທັງເໝິນ ປະທານສະພາແຫ່ງຊາດ ໃຫ້ຮູ້ວ່າ ບັນດາກົນໄກ, ນະໂຍບາຍໃນຮ່າງກົດໝາຍມີລັກສະນະຕິດແທດກັບບັນດາແຜນນະໂຍບາຍໃຫຍ່ຂອງກົມການເມືອງໂດຍພື້ນຖານ, ພິເສດແມ່ນມະຕິເລກທີ 09 ແລະ ບັນດາມະຕິຍຸດທະສາດພັດທະນາປະເທດຊາດ, ພັດທະນາຕົວເມືອງ. ພິເສດ, ມີບາດກ້າວຫັນປ່ຽນຢ່າງແຮງໃນຈິນຕະນາການສ້າງກົດໝາຍຈາກກົນໄກທົດລອງກາຍເປັນຂອດນິຕິກຳທີ່ເປັນປົກກະຕິ, ຍາວນານ. ທ່ານໃຫ້ຮູ້ວ່າ:
ຂ້າພະເຈົ້າສະເໜີບັນດາອົງການຮຽບຮຽງສືບຕໍ່ສຳຫຼວດກວດກາຢ່າງຮອບດ້ານແຕ່ລະກຸ່ມນະໂຍບາຍ, ແຕ່ລະກົນໄກພາຍໃຕ້ແງ່ມູມແມ່ນແກ້ໄຂຈຸດອຸດຕັນດ້ານນິຕິກຳ, ມີຄວາມສາມາດບົ່ມຊ້ອນພັດທະນາໃໝ່ ແລະ ມີຄວາມສາມາດຢ່າງພຽງພໍເພື່ອຈັດຕັ້ງປະຕິບັດໃນຕົວຈິງ ໃນໄລຍະຈະມາເຖິງຫຼືບໍ? ຕົວຢ່າງຄືຮູບແບບການຈັດຕັ້ງ, ແຜນກຳນົດ, ທີ່ດິນ, ການເງິນ, ກົນໄກນະໂຍບາຍເຄື່ອນໄຫວເຂດເສດຖະກິດພິເສດ. ຈິດໃຈກົດໝາຍຕ້ອງເດີນທັນຄຳຮຽກຮ້ອງຕ້ອງການພັດທະນາ, ແຕ່ວ່າຕ້ອງເດີນກ່ອນບາດໜຶ່ງເພື່ອນຳພາພັດທະນາ.
