ສປຊ ຄັດຄ້ານເລື່ອງ ອິດສະຣາແອັນ ມ້າງທຳລາຍສຳນັກງານ UNRWA ຢູ່ Jerusalem ຕາເວັນອອກ
21/01/2026 08:36
(VOVWORLD) - ວັນທີ 20 ມັງກອນ, ອົງການຊ່ວຍເຫຼືອ ແລະ ວຽກເຮັດງານທຳຂອງ ສປຊ ສຳລັບຊາວລີ້ໄພ ປາແລັດສະຕິນ (UNRWA), ໄດ້ຄັດຄ້ານເລື່ອງເຈົ້າໜ້າທີ່ຜູ້ມີຄວາມຮັບຜິດຊອບຂອງ ອິດສະຣາແອັນ ດຳເນີນການມ້າງທຳລາຍສຳນັກງານຂອງອົງການນີ້ຢູ່ Jerusalem ຕາເວັນອອກ.
ທ່ານ Jonathan Fowler ໂຄສົກຂອງ UNRWA ໃຫ້ຮູ້ວ່າ ບັນດາກຳລັງ ອິດສະຣາແອັນ ໄດ້ບຸກເຂົ້າເຂດປະສົມໃນເວລາປະມານ 7 ໂມງເຊົ້າຂອງວັນທີ 20 ມັງກອນ ຕາມເວລາທ້ອງຖິ່ນ ໃນການກະທຳທີ່ທ່ານຖືວ່າ “ການບຸກໂຈມຕີເລັ່ງໃສ່ UNRWA ແລະ ບັນດາຮາກຖານຂອງອົງການນີ້”. ຕາມແຫຼ່ງຂ່າວຈຳນວນໜຶ່ງ, ກຳລັງ ອິດສະຣາແອັນ ໄດ້ຈັດລົດດຸດດິນ ແລະ ພາຫະນະອຸປະກອນໜັກມາມ້າງທຳລາຍສຳນັກງານ UNRWA ຢູ່ Jerusalem ຕາເວັນອອກ ພ້ອມກັບບັນດາກິດຈະກຳຢູ່ພາຍໃນນັ້ນ. ໃນຖະແຫຼງການໜຶ່ງ, ກະຊວງການຕ່າງປະເທດ ອິດສະຣາແອັນ ໃຫ້ຮູ້ວ່າ UNRWA ໄດ້ຢຸດຕິທຸກການເຄື່ອນໄຫວຢູ່ສະຖານທີ່ດັ່ງກ່າວ ແລະ ບໍ່ມີພະນັກງານ ຫຼືການເຄື່ອນໄຫວໃດໆຂອງ ສປຊ ໃນບໍລິເວນຂອງສຳນັກງານ.
TAG
VOV/VOVworld/UNRWA/Jerusalem ຕາເວັນອອກ
Related
