ພາບປະກອບ: TTXVN

ໃນຖະແຫຼງການໃນວັນທີ 20 ເມສາ, ທ່ານ Ted Chaiban ຜູ້ອຳນວຍການ UNICEF ເຂດຕາເວັນອອກກາງ ແລະ ອາຟຼິກກາເໜືອເນັ້ນໜັກວ່າ ເດັກນ້ອຍຢູ່ເຂດນີ້ພວມແມ່ນບັນດາເປົ້າໝາຍທີ່ຄວນໄດ້ຮັບການໜູນຊ່ວຍຫຼາຍທີ່ສຸດໃນໂລກຍ້ອນວ່າພວມຕ້ອງປະເຊີນໜ້າກັບບັນດາການປະທັນກັນ ແລະ ສົງຄາມ. ປັດຈຸບັນມີເດັກນ້ອຍເກືອບ 25 ລ້ານຄົນຢູ່ທີ່ນີ້ ພວມປະສົບກັບຄວາມຫຍຸ້ງຍາກ, ໃນນັ້ນ ມີເດັກນ້ອຍຫຼາຍຄົນພວມຕ້ອງດຳລົງຊີວິດຢູ່ເຂດຄ້າຍລີ້ໄພ, ຫຼົບລີ້ຈາກບັນດາເຫດປະທະກັນ ຂອງກຳລັງປະກອບອາວຸດ. ຕາມ UNICEF ແລ້ວ, ຫຼາຍປີທີ່ຜ່ານມາ, ປະຊາຊົນປະຈຳຖິ່ນດຳລົງຊີວິດທ່າມກາງການປະທະກັນທີ່ແກ່ຍາວເປັນເວລາຍາວນາມ, ເຂົາເຈົ້າປະສົບກັບຄວາມທຸກຍາກລຳບາກ, ບໍ່ໄດ້ສຳຜັດກັບບັນດາບໍລິການພື້ນຖານ. ໂລກລະບາດ Covid – 19 ເກີດຂຶ້ນເຮັດໃຫ້ເຂົາເຈົ້າຕົກເຂົ້າສູ່ສະພາບອຶດຫົວທຸກຍາກກວ່າອີກ, ພິເສດແມ່ນເດັກນ້ອຍ ຊຶ່ງເປັນກຸ່ມເປົ້າໝາຍທີ່ມີຄວາມສ່ຽງສູງກ່ວາໝູ່.