ກ່າວຄຳເຫັນທີ່ກອງປະຊຸມສຳມະນາ, ທ່ານ Patrick Leahy ສະມາຊິກສະພາສູງອາເມລິກາໂດຍເປັນໜຶ່ງໃນບັນດາຜູ້ທີ່ມີການປະກອບສ່ວນສຳຄັນທີ່ສຸດຂອງອາເມລິກາ ເພື່ອແກ້ໄຂຜົນຮ້າຍຢ້ອນຫຼັງຈາກສົງຄາມຢູ່ຫວຽດນາມ, ທ່ານເນັ້ນໜັກວ່າ ສົງຄາມແມ່ນໄພພິບັດຕໍ່ທັງສອງປະເທດ ແລະ ຜົນຮ້າຍຂອງມັນຍັງຄົງຕົວໃນໄລຍະ 45 ປີຜ່ານມາ. ອາເມລິກາຈະບໍ່ຫຼົງລືມຕໍ່ການໜູນຊ່ວຍ, ຮ່ວມມື ແລະ ຊ່ວຍເຫຼືອຂອງຫວຽດນາມໃນການຊອກຫາທະຫານອາເມລິກາ ທີ່ຫາຍສາບສູນໃນປາງສົງຄາມ ເພາະສະນັ້ນ, ອາເມລິກາຈະເລີ່ມປະຕິບັດໂຄງການທີ່ແກ່ຍາວເປັນເວລາ 5 ປີ, ເລີ່ມແຕ່ ປີ 2020 ເພື່ອຊ່ວຍເຫຼືອຫວຽດນາມໃນການຊອກຫາທະຫານທີ່ຫາຍສາບສູນ ແລະ ສືບຕໍ່ໜູນຊ່ວຍຄົນພິການຢູ່ຫວຽດນາມທີ່ປະສົບເຄາະຮ້າຍຈາກລູກລະເບີດ ແລະ ວັດຖຸລະເບີດ ທີ່ຍັງບໍ່ທັນແຕກຍັງຕົກຄ້າງໃນສົງຄາມ ແລະ ລ້າງທາດພິດທຳຄວາມສະອາດຢູ່ເຂດທີ່ຖືກມົນລະພິດດີໂອຊິນໃຫ້ໝົດກ້ຽງ.

ທີ່ກອງປະຊຸມ, ທ່ານຮ່າກິມງັອກ ຖືວ່າ ສົງຄາມຮ້າຍກາດໄດ້ສ້າງຜົນຮ້າຍຢ້ອນຫຼັງທີ່ຮ້າຍແຮງເບິ່ງຄືວ່າຈະແບ່ງແຍກ 2 ຊາດເຮົາໄປຕະຫຼາດການ, ແຕ່ພັດກາຍເປັນສິ່ງທີ່ເຮັດໃຫ້ຊາວຫວຽດນາມ ແລະ ຊາວອາເມລິກາມີຄວາມຜູກພັນສະໜິດແໜ້ນນຳກັນ.