eurocham.png (ພາບ: EuroCham)         93% ການ​ນຳວິ​ສາ​ຫະ​ກິດ ເອີ​ລົບ ຢືນ​ຢັນ​ວ່າ ຈະ​ແນະ​ນຳ ຫວຽດ​ນາມ ຄື​ດັ່ງ​ຈຸດ​​ໝາຍ​ປາຍ​ທາງ​ຂອງ​ການ​ລົງ​ທຶນ. ນີ້​ແມ່ນ​ໜຶ່ງ​ໃນ​ບັນ​ດາ​ອັດ​ຕາ​ສ່ວນຮັບ​ປະ​ກັນ​ຢ່າງ​ແຮງ​ທ່​ີ​ສຸດ​ໃນ​ປະ​ຫວັດ​ສາດ​ການ​ສຳ​ຫຼວດ​ຂອງ​ສະ​ຫະ​ສະ​ມາ​ຄົມ​ວ​ິ​ສາ​ຫະ​ກິດ ເອີ​ລົບ ປະ​ຈຳ ຫວຽດ​ນາມ (EuroCham) ທີ່​ໄດ້​ຍົກ​ອອກ​ມາ​ໃນ​ບົດ​ລາຍ​ງານ​ດັດ​ຊະ​ນີ​ຄວາມ​ໄວ້​ເນື້ອ​ເຊື່ອ​ໃຈ​ດຳ​ເນີນ​ທຸ​ລ​ະ​ກິດ (BCI) ໄຕ​ມ​າດ​ທີ 1 ປີ 2026 ທີ່​ໄດ້​ປະ​ກາດ​ໃນ​ວັນ​ທີ 15 ເມ​ສາ.         ຕາມ​ທ່ານ Bruno Jaspaert, ປະ​ທານ EuroCham ແລ້ວ, ບັນ​ດາ​ການ​ຜັນ​ແປ​ໃນ​ໄຕ​ມາດ​ທີ 1 “ບໍ່​ແມ່ນ​​ຄວາມ​ໄວ້​ເນື້ອ​ເຊື່ອ​ໃຈ​ຫຼຸດ​ລົງ, ຫາກ​ແມ່ນ​ການ​ດັດ​ແປງ​​ຄືນ​ໃໝ່ທີ່​ຈຳ​ເປັນ” ໃນ​ສະ​ພາບ​ການ​ລວມ​ຂອງ​ໂລກ​ໃນ​ປະ​ຈຸ​ບັນ. ຕົວ​ເລກ​ໃນ BCI ​ໄດ້ຊີ້​ໃຫ້​ເຫັນ​ຄວາມ​ໄວ້​ເນື້ອ​ເຊື່ອ​ໃຈ​ຕໍ່ ຫວຽດ​ນາມ ຄື​ດັ່ງ​ຈຸດ​​ໝາຍ​ປາຍ​ທາງ​ການ​ລົງ​ທຶນ​ທີ່​ຍັງ​ໄດ້​ຮັກ​ສາ​ໄວ​ຢ່າງ​ແຮງ. 77% ຈຳ​ນວນ​ວິ​ສາ​ຫະ​ກ​ິດ ເອີ​ລົບ ປະ​ຈຳ ຫວຽດ​ນາມ ຍັງ​ຮັກ​ສາ ຫຼື​ ເພີ່ມ​ລາຍ​ຮັບ​ໃນ​ປີ 2025, ໃນ​ນັ້ນມີ 40% ຮັບ​ຮູ້​ວ່າ​ບັນ​ລຸ​ກາ​ນ​ເຕີບ​ໂຕ. ຕໍ່​ຈາກນັ້ນ, ໃນ​ໄຕ​ມາດ​ທີ 1 ປີ 2026, ມີ 56% ວິ​ສາ​ຫະ​ກິດ​ຍັງຮັບ​ຮູ້​ການ​ບັນ​ລຸ​ໝາກ​ຜົນ​ທີ່​ຕ​ັ້ງ​ໜ້າ. ທ່ານ​ໃຫ້​ຂໍ້​ສັງ​ເກດ​ວ່າ ເມື່ອ​ມີ​ວິ​ສາ​ຫະ​ກິດກວ່າ 9/10 ​ແຫ່ງ​ຢືນ​ຢັນ​ການ​ສະ​ໜັບ​ສະ​ໜູນ​ຕໍ່​ກັບ​ຕະ​ຫຼາດນີ້, ສິ່ງ​ດັ່ງ​ກ່າວ​ໄດ້​ພິ​ສູດ​ໃຫ້​ເຫັນ​ຄວາມ​ສາ​ມາດ​ເຕີບ​ໂຕ​ທີ່ບໍ່​ທຳ​ມະ​ດາຂອງ ຫວຽດ​ນາມ. ຄວາມ​ຍືນ​ຍົງ​ຂອງ​ພື້ນ​ຖານ​ເສດ​ຖະ​ກິດ ຫວຽດ​ນາມ ຍັງ​ສະ​ແດງ​ອອກ​ຜ່ານ​ລະ​ດັບ​ເຕີບ​ໂຕ GDP 7,83% ໃນ​ໄຕ​ມາດ​ທີ 1 ປີ 2026, ສ​ູງກວ່​າ​ເມື່ອ​ທຽບ​ໃສ່​ປີ 2025, ນັ້ນ​ແມ່ນ​ພື້ນ​ຖານ​ເພື່ອ​ປັບ​ປຸງ​ຄວາມ​ໄວ້​ເນື້ອ​ເຊື່ອ​ໃຈ.