ວັນທີ 18 ກັນຍາ, ຢູ່ ຮ່າ​ໂນ້ຍ, ໄດ້​ຈັດການສົນທະນາກ່ຽວ​ກັບທະເລຄັ້ງທີ 15 ​ດ້ວຍຫົວຂໍ້ “ຈາກຂໍ້ຕົກລົງ​ໄປສູ່ການ​ກະ​ທຳ: ​ຜັນ​ຂະ​ຫຍາຍ​ສັນ​ຍາ​ກ່ຽວ​ກັບ​ການ​ອະ​ນຸ​ລັກ​ຮັກ​ສາ ແລະ ການນຳໃຊ້ຊີ​ວະນາໆ​ພັນທະເລແບບຍືນຍົງ​ຢູ່​ບັນ​ດາ​ເຂດ​ນອນນອກເໜືອ​ສິດອຳນາດ​ສານແຫ່ງຊາດ (ຂໍ້ຕົກລົງ BBNJ) ເພື່ອການຄຸ້ມຄອງທະເລດ້​ວຍ​ຄວາມຍຸດຕິທຳ, ມີປະສິດທິພາບ.” ມີຜູ້ຕາງ​ໜ້າກວ່າ 200 ຄົນທີ່​ມາຈາກ 10 ປະເທດ, ​ອົງ​ການ​ຜູ້​ຕາງ​ໜ້າຕ່າງປະເທດ, ສະຖາບັນຄົ້ນຄວ້າ ແລະ ມະຫາວິທະຍາໄລ​ຕ່າງໆ ໄດ້ເຂົ້າຮ່ວມ. ການສົນທະນາໄດ້ສຸມໃສ່ຊອກຫາວິທີແກ້ໄຂ ເພື່ອນຳເອົາຄຳໝັ້ນສັນຍາຂອງ BBNJ ເຂົ້າ​ຕົ​ວ​ຈິງລະດັບຊາດ, ພາກພື້ນ ແລະ ທົ່ວໂລກ.

ກ່າວ​ຄຳ​ເຫັນ​ທີ່​ພິ​ທີ​ໄຂ, ທ່ານ​ນາງ ຮອງສ​ຈ, ປະ​ລິນ​ຍາ​ເອກ ຫງວຽນທິລານແອງ, ຮອງ​ຫົວ​ໜ້າສະຖາບັນການ​ຕ່າງ​ປະ​ເທດ ຫວຽດ​ນາມ, ເນັ້ນໜັກວ່າ:

“ໜ້າ​ທີ່​ຈຸດ​ສຸມ​ຂອງພວກເຮົາໃນປັດຈຸບັນແມ່ນ ນຳເອົາສັນ​ຍາເຂົ້າສູ່ຕົວຈິງ​​ຢ່າງມີປະສິດທິ​ຜົນ. ມະຕິສະບັບເລກທີ 20 ຂອງຄະນະບໍ​ລິ​ຫານ​ງານສູນ​ກາງ​ພັກກອມມູນິດ ຫວຽດນາມ ໄດ້ວາງເປົ້າໝາຍ ສ້າງປະເທດ ຫວຽດນາມ ໃຫ້ກາຍເປັນປະເທດເຂັ້ມ​ແຂງທາງທະເລ, ​ດ້ວຍ​ການ​ຄຸ້ມ​ຄອງ​ບໍ​ລິຫານ​ມະ​ຫາ​ສະ​ໝຸດທີ່ທັນສະໄໝ, ​ມີວິທະຍາສາດ ແລະ ເຕັກໂນໂລຊີທະເລທີ່ກ້າວໜ້າ... ວິໄສທັດນີ້ຕິດ​ພັນ​ຢ່າງຈະແຈ້ງກັບ​ເປົ້າ​ໝາຍຂອງຂໍ້ຕົກລົງ BBNJ. ຫວຽດນາມ ສືບ​ຕໍ່​ໃຫ້​ຄຳ​ໝັ້ນ​ສັນ​ຍາ​ເຄົາ​ລົບກົດໝາຍສາກົນ, ​ໃນ​ນັ້ນ​ມີ UNCLOS, ພ້ອມ​ກັນ​ນັ້ນປະກອບສ່ວນຢ່າງຕັ້ງໜ້າເຂົ້າໃນການປະຕິບັດ​ສັນ​ຍາດັ່ງກ່າວ.”