ໂດຍປະຕິບັດງານຢູ່ກຳລັງປ້ອງກັນຊາຍແດນແຂວງ ກາວບັ່ງ ເປັນເວລກວ່າ 10 ປີ, ພັນຕີ ຫງວຽນຫວູເລ ເກີດປີ 1990 ຢູ່ ຮ່າໂນ້ຍ ຍາມໃດກໍ່ຮຽງບ່າຮຽງໄຫຼ່ພ້ອມກັບປະຊາຊົນລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກ ແລະ ພັດທະນາເສດຖະກິດ ສັງຄົມ. ສຳລັບລາວແລ້ວ ຊາຍແດນແມ່ນບ້ານເກີດແຫ່ງທີ່ສອງ, ພໍ່ແມ່ປະຊາຊົນບັນດາເຜົ່າໄດ້ກາຍເປັນອ້າຍນ້ອງຄີງ ແລະ ເປັນແຫ່ງກຳລັງໜູນເພື່ອເຮັດຫຼ້ອນໜ້າທີ່ ເຊິ່ງໄດ້ຮັບມອບໝາຍເປັນຢ່າງດີ.
ກຸ່ມບ້ານຊາຍແດນ ກາລໍ່ ມີພົນລະເມືອງເກືອບ 200 ຄົນ ແມ່ຊົນເຜົົ່າຢ້າວ ນີ້ແມ່ນກຸ່ມບ້ານປະສົບກັບຄວາມຫຍຸ້ງຍາກທີ່ສຸດໃນຕາແສງ ແຄັ້ງຊວັນ ແຂວງ ກາວບັ່ງ. ໂດຍມີຄວາມເປັນຫ່ວງຕໍ່ການດຳລົງຊີວິດທີ່ລຳບາກຂອງພໍ່ແມ່ພີ່ນ້ອງ, ໃນໄລຍະປະຕິບັດງານຢູ່ປ້ອມປ້ອງຊາຍແດນ ຊວັນເຈື່ອງ ພັນຕີ ຫງວຽນຫວູເລ ໄດ້ຂົນຂວາຍບັນດາອົງການຈັດຕັ້ງສຳນັກງານ ບັນດາອົງການຈັດຕັ້ງມະຫາຊົນຢູ່ທ້ອງຖິ່ນ ປະຕິບັດໂຄງການຕິດຕັ້ງດອກໄຟເຍືອງທາງຢູ່ເຂດຊາຍແດນ ໂຄງການໄດ້ຕິດຕັ້ງລະບົບດອກໄຟໃຊ້ພະລັງແສງຕາເວັນນັບສິບລະບົບ ມອບດອກໄຟສາກ, ທຸງຊາດ ແຜນທີ່ ຫວຽດນາມ ໃຫ້ຊາວບ້ານ, ລວມມູນຄ່າ 110.000.000 ກວ່າດົ່ງ ປະມານ 4.400 ໂດລາສະຫະລັດ. ລາວຍັງພ້ອມກັບພະນັກງານນັກຮົບໃນກົມກອງສົມທົບກັບທ້ອງຖິ່ນ ຜັນຂະຫຍາຍປະຕິບັດໂຄງການພະນັກງານນັກຮົບກອງທັບພານ້ອງໄປໂຮງຮຽນ ໃນປີ 2023. ມີເດັກ 14 ຄົນ ໄດ້ຮັບການໜູນຊ່ວຍ ແລະ 15 ຄົນໄດ້ຮັບການຂົນຂວາຍໄປໂຮງຮຽນ. ພັນຕີ ຫງວຽນຫວູເລ ໃຫ້ຮູ້ວ່າ :
“ຂ້າພະເຈົ້າມີຄວາມເປັນຮ່ວງ ແລະ ໄດ້ປະກອບເຫື່ອແຮງ ເພື່ອໃຫ້ພີ່ນ້ອງຫຼຸດຜ່ອນຄວາມລຳບາກ. ເມື່ອເຂົ້າເຖິງວັດທະນະທຳຂອງພໍ່ແມ່ພີ່ນ້ອງກໍ່ມີຫຼາຍສິ່ງທີ່ຍັງໃໝ່ອ່ຽມຍ້ອນບໍ່ລົງກັນດ້ານພາສາ. ຂ້າພະເຈົ້າເອງຍາມໃດກໍ່ພະຍາຍາມດ້ວຍທຸກວິທີ ແມ່ນຕ້ອງຮຽນພາສາ ແລະ ດ້ວຍຄວາມຕັດສິນໃຈ ກໍ່ຕ້ອງໃຊ້ເວລາ 6 ເດືອນ ຈຶ່ງສາມາດເຊື່ອມຕົວເຂົ້າກັບການດຳລົງຊີວິດຂອງປະຊາຊົນໄດ້”.
ໂດຍຮັບຜິດຊອບວຽງການຂົນຂວາຍມະຫາຊົນ, ໄດ້ເຊື່ອມຊຶມແນວຄິດ: ປ້ອມແມ່ນເຮືອນ, ຊາຍແດນແມ່ນບ້ານເກີດ, ປະຊາຊົນບັນດາເຜົ່າແມ່ນອ້າຍຍ້ອງຄີງ. ພັນຕີ ຫງວຽນຫວູເລ ໄດ້ຕັ້ງໜ້າເປັນເສນາທິການໃຫ້ແກ່ກົມກອງຄະນະພັກອຳນາດການປົກຄອງທ້ອງຖິ່ນ ເພື່ອປະຕິວັດວຽກງານສົມທົບ ຜັນຂະຫຍາຍຂະຫຍາຍບັນດາໂຄງການພັດທະນາເສດຖະກິດ ສັງຄົມ. ມີຫຼາຍການເຄື່ອນໄຫວທີ່ມີຄວາມໝາຍໄດ້ຖືກປະຕິບັດຄື ເດືອນຊາວໜຸ່ມມ, ເດືອນ 3 ເຂດຊາຍແດນ, ເຄົາລົບທຸງຊາດຢູ່ເສົາຫຼັກໝາຍອະທິປະໄຕຂອງປະເທດຊາດ… ່ອ້າຍ ເຈືອງຫງອກຮວານ,ເລຂາໜ່ວຍພັກກຸ່ມບ້ານນາຈ່າວ,ຕາແສງຟຸກຮວ່າ ແຂວງ ກາວບັ່ງ ໃຫ້ຂ້ໍສັງເກດວ່າ
“ຫງວຽນຫວູເລ ມີຄວາມຂະຫຍັນຂັນເຄື່ອນ ມີຫົວຄິດປະດິດສ້າງ ໃກ້ຊິດຕິດແທດກັບປະຊາຊົນ. ທຳອິດແມ່ນວຽກງານຂົນຂວາຍປະຊາຊົນ, ລົງເລິກໃກ້ຊິດຕິດແທດເອົາໃຈໃສ່ເຖິງປະຊາຊົນທຸກຄົນ, ໂຄສະນາບັນດາແຜນນະໂຍບາຍແນວທາງຂອງພັກ ນະໂຍບາຍກົດໝາຍຂອງລັດ. ໂຄສະນາຊ່ວຍເຫຼືອພໍ່ແມ່ພີ່ນ້ອງພັດທະນາເສດຖະກິດ ເພື່ອມີຊີວິດອີ່ມໜຳສຳລານ ແລະ ຜາສຸກ”.
ດ້ວຍຄວາມມານະພະຍາຍາມຢ່າງບໍ່ຢຸດຢັ້ງ, ພັນຕີ ຫງວຽນຫວູເລ ໄດ້ຮັບໃບຍ້ອງຍໍຫຼາຍໃບ ຈາກຂະແໜງການຂັ້ນຕ່າງໆ ຍ້ອນມີຜົນງານດີເດັ່ນໃນວຽກງານ. ປີ 2023 ພັນຕີ ຫງວຽນຫວູເລ ໄດ້ຮັບລາງວັນທີໜຶ່ງໃນບັ້ນແຂ່ງຂັນຂົນຂວາຍປະຊາຊົນຢ່າງຄ່ອງຄ້ອງ ໂດຍຄະນະພັກແຂວງ ກາວບັ່ງ ຈັດຕັ້ງ; ບັນດາລຸລະດັບເກັ່ງໃນງານແຂ່ງຂັນສອນການເມືອງຂັ້ນກອງບັນຊາການ ແລະ ໄດ້ຮັບການຮັບຮອງແມ່ນໜຶ່ງໃນຈຳນວນ 10 ແບບຢ່າງໜຸ່ມດີເດັ່ນຂອງທະຫານປ້ອງກັນຊາຍແດນ; ໄດ້ຮັບການເລືອກເຟັ້ນແມ່ນແບບຢ່າງໜຸ່ມທີ່ມີແງ່ຫວັງຂັ້ນກອງທັບປີ 2023. ປີ 2024 ພັນຕີ ຫງວຽນຫວູເລ ມີຄວາມເປັນກຽດໄດ້ຮັບໃບຍ້ອງຍໍຈາກນາຍົກລັດຖະມົນຕີ ຍ້ອນມີຜົນງານດີເດັ່ນໃນການຮ່ຳຮຽນ ແລະ ເຮັດຕາມແນວຄິດຄຸນສົມບັດ ແບບແຜນການດຳລົງຊີວິດຂອງ ປະທານ ໂຮ່ຈີມິນ. ພັນຕີ ຕະຢຸຍຮ່າ ກຳມະການການເມືອງປ້ອມປ້ອງກັນຊາຍແດນ ຊວັນເຈື່ອງ ຕີລາຄາວ່າ
“ສະຫາຍ ເລ ແມ່ນພະນັກງານໜຸ່ມ ມີຄວາມຂະຫຍັນຂັນເຄື່ອນ ມີຄວາມຫ້າວຫັນກະຕືລືລົ້ນກັບພໍ່ແມ່ພີ່ນ້ອງ. ສະຫຍາຍຍາມໃດກໍ່ເສີມຂະຫຍາຍທຸກສິ່ງທຸກຢ່າງຄຸນນະທາດ ຄວາມສາມາດຂອງນັກຮົບປ້ອງກັນຊາຍແດນ. ບັນດາຄວາມມານະພະຍາຍາມເຫຼົ່ານີ້ ຍາມໃດກໍ່ໄດ້ຮັບການຕີລາຄາສູງຈາກປະຊາຊົນ ຜ່ານນັ້ນກໍ່ສົມທົບກັບກຳລັງປ້ອງກັນຊາຍແດນເປັນຢ່າງດີ ໃນວຽກງານປົກປັກຮັກສາອະທິປະໄຕ ຄວາມສະຫງົບເຂດຊາຍແດນ”.
ຍ້ອນຄວາມເຫັນອົກເຫັນໃຈກັບຄວາມຫຍຸ້ງຍາກຂອງພໍ່ແມ່ພີ່ນ້ອງບັນດາເຜົ່າຢູ່ເຂດຊາຍແດນໄດ້ຊ່ວຍໃຫ້ພັນຕີ ຫງວຽນຫວູເລ ຜ່ານຜ່າທຸກຄວາມຫຍຸ້ງຍາກຄວາມລຳບາກ ເພື່ອເຮັດຫຼ້ອນໜ້າທີ່ໄດ້ຮັບມອບໝາຍ
“ປ້ອມແມ່ນເຮືອນ, ຊາຍແດນແມ່ນບ້ານເກີດ, ພໍ່ແມ່ນພີ່ນ້ອງບັນດາເຜົ່າ ແມ່ນອ້າຍນ້ອງຄີງ. ເປັນທີ່ຈະແຈ້ງແລ້ວວ່າ ທິດນຳນີ້ ຄຳຂວັນນີ້ໄດ້ຕິດພັນກັບການເຄື່ອນໄຫວຂອງກຳລັງປ້ອງກັນຊາຍແດນ. ການຮັບຮູ້ຂອງຂັ້ນຕ່າງໆ ໄດ້ເຮັດໃຫ້ຂພະເຈົ້າເອງຮູ້ສຶກວ່າ ຕ້ອງມານະພະຍາຍາມຫຼາຍກວ່າອີກ ເພື່ອສົມກັບຄວາມເຊື່ອໝັ້ນຂອງອຳນາດການປົກຄອງທ້ອງຖິ່ນ ພິເສດແມ່ນປະຊາຊົນເຂດຊາຍແດນ”.
ພັນຕີ ຫງວຽນຫວູເລ ແມ່ນແບບຢ່າງດີເດັ່ນໃນຂະບວນການແຂ່ງຂັນຮັກຊາດຂອງກຳລັງປ້ອງກັນຊາຍແດນ. ບັນດາຄວາມມານະພະຍາຍາມຂອງລາວໄດ້ປະກອບສ່ວນປົກປັກຮັກສາອະທິປະໄຕເຂດນ້ຳແດນດິນ ແລະ ຄວາມສະຫງົບຊາຍແດນຂອງປະເທດຊາດໃນສະພາບການໃໝ່.
.jpg)
.jpg)
.jpg)
