(VOVWORLD) - ພະແນກກະຈາຍສຽງບັນດາລາຍການພາສາຕ່າງປະເທດ, ວິທະຍຸກະຈາຍສຽງ ຫວຽດນາມ (VOV5) ແມ່ນ 1 ໃນ 3 ພະແນກໄດ້ສ້າງຕັ້ງຂຶ້ນພ້ອມກັບ ວິທະຍຸກະຈາຍສຽງ ຫວຽດນາມ ເມື່ອວັນທີ 7 ກັນຍາ 1945. ໃນຕະຫຼອດ 78 ປີຜ່ານມາ, ມີນັກຂ່າວ, ບັນນາທິການ, ນັກຊ່ຽວຊານຫຼາຍລຸ້ນຄົນ ໄດ້ຜູກພັນກັບການຜະລິດລາຍການກະຈາຍສຽງພາກພາສາຕ່າງປະເທດ, ປະກອບສ່ວນສ້າງຂົວຕໍ່ແຫ່ງໄມຕີຈິດມິດຕະພາບ ເຊື່ອມຕໍ່ ຫວຽດນາມ ກັບຜູ້ຟັງໃນທົ່ວໂລກ ຜ່ານຄື້ນກະຈາຍສຽງ. ສຳລັບເຂົາເຈົ້າແລ້ວ, ພະແນກກະຈາຍສຽງບັນດາພາສາຕ່າງປະເທດ ເໝືອນດັ່ງຊາຍຄາລວມ ເຊິ່ງໃນແຕ່ລະຄັ້ງທີ່ກ່າວເຖິງ ໃນໃຈເຂົາເຈົ້າກໍມີຄວາມຮູ້ສຶກຕື້ນຕັນໃຈ, ຄວາມຮັກແພງ ແລະ ເອກອ້າງທະນົງໃຈເປັນຢ່າງຍິ່ງ.