(VOVWORLD) -ມະຫາວິທະຍາໄລຊັບພະວິຊາ ຮ່າໂນ້ຍ ແມ່ນມະຫາວິທະຍາໄລແຖວໜ້າໃນຂົງເຂດວິທະຍາສາດ - ເຕັກນິກ ຢູ່ ຫວຽດນາມ. ນອກຈາກມີນັກສຶກສາ ຫວຽດນາມ ກວ່າ 30.000 ຄົນ ແລ້ວ, ແຕ່ລະປີ, ໂຮງຮຽນແຫ່ງນີ້ ຍັງຮັບນັກສຶກສາຕ່າງປະເທດປະມານ 1000 ຄົນ ມາຮ່ຳຮຽນອີກດ້ວຍ. ໄລຍະຜ່ານມາ, ມີນັກສຶກສາ ກຳປູເຈຍ ດີເດັ່ນຄົນໜຶ່ງ ຍາດໄດ້ທຶນສົ່ງເສີມການສຶກສາ ຂອງມະຫາວິທະຍາໄລຊັບພະວິຊາ ຮ່າໂນ້ຍ ແລະ ນີ້ກໍແມ່ນນັກສຶກສາຕ່າງປະເທດຄົນທຳອິດ ທີ່ຍາດໄດ້ທຶນການສຶກສາດັ່ງກ່າວ. ອ້າຍບ່າວຄົນນັ້ນ ຊື່ວ່າ Vun Liem, ນັກສຶກສາປີທີ 4, ພາກວິຊາເຕັກນິກກົນຈັກເອເລັກໂຕນິກ K26. ໃນລາຍການຊາຍຄາ ອາຊຽນ ມື້ນີ້, ເຊີນທ່ານພ້ອມກັບນັກຂ່າວ VOV ໂອ້ລົມກັບນັກສຶກສາຄົນເກັ່ງນີ້.