ອາເມລິກາຫລຸດຜ່ອນອັດຕາດອກເບ້ຍ: ສັນຍານສະແດງໃຫ້ເຫັນການເຕີບໂຕເສດຖະກິດທົ່ວໂລກມີຄວາມສ່ຽງຈະຫລຸດລົງ
01/08/2019 09:38
(VOVWORLD) -ເປັນຄັ້ງທຳອິດພາຍຫລັງກວ່າຫນຶ່ງທົດສະວັດ, ກົມສະສົມສະຫະລັດ ອາເມລິກາ (FED) ໄດ້ຕົກລົງຫລຸດອັດຕາດອກເບ້ຍລົງ ພາຍຫລັງ ກອງປະຊຸມທີ່ແກ່ຍາວມາເປັນເວລາ 2 ວັນ ໃນທ້າຍເດືອນກໍລະກົດ. ຂໍ້ຕົກລົງດັ່ງກ່າວບໍ່ກໍ່ຄວາມແປກປະຫລາດຕໍ່ວົງການນັກລົງທຶນເທື່ອ ເພາະສິ່ງນີ້ໄດ້ເຕື້ອງເຖິງຢ່າງລຽນຕິດໃນໄລຍະມໍ່ໆມານີ້. ເຖິງຢ່າງໃດກໍຕາມ ສິ່ງທີ່ເປັນຫນ້າສົນໃຈ ນັ້ນແມ່ນ FED ໄດ້ເນັ້ນຫນັກຢ່າງແຮງວ່າ ອົງການນີ້ ອາດຈະສືບຕໍ່ຫລຸດອັດຕາດອກເບ້ຍລົງໃນປີນີ້. ຖະແຫລງການຂອງ FED ໄດ້ຮັບການຮັບຮູ້ວ່າແມ່ນສິ່ງທີ່ຈຳເປັນ ເພື່ອຫນູນຊ່ວຍພື້ນຖານເສດຖະກິດ ອາເມລິກາ ໃຫ້ພັດທະນາ ແຕ່ມັນກໍ່ແມ່ນຄຳກ່າວເຕືອນກ່ຽວກັບ ການເຕີບໂຕເສດຖະກິດທົ່ວໂລກມີ ທ່າອ່ຽງ ຫລຸດລົງ.
ໃນກອງປະຊຸມຂອງຄະນະກຳມະການຕະຫລາດເປີດ ສະຫະລັດ (FOMC)- ທີ່ແກ່ຍາວມາເປັນເວລາ 2 ມື້ ຄືແຕ່ວັນທີ 30 -31 ກໍລະກົດ- ພະແນກວາງແຜນນະໂຍບາຍຂອງ FED ໄດ້ຕົກລົງ ຫລຸດຜ່ອນອັດຕາດອກເບ້ຍເປັນຄັ້ງທຳອິດ ນັບແຕ່ພາຍຫລັງວິກິດການການເງິນເມື່ອປີ 2008. ຕາມນັ້ນແລ້ວ, FED ຕົກລົງຫລຸດອັດຕາດອກເບ້ຍພື້ນຖານ 0,25% ຈາກລະດັບ 2,25 -2,5% ລົງເຫລືອພຽງລະດັບ 2- 2,25%.
TAG
VOV/VOVworld/ອັດຕາດອກເບ້ຍ/FED/ທະນາຄານ/ຊ່ວງເສັງ
Related
