EU – ຈີນ ມານະພະຍາຍາມຮ່ວມມືດ້ານການຄ້າດຸ່ນດ່ຽງ
26/09/2023 07:56
(VOVWORLD) - “ກອງປະຊຸມການເຈລະຈາເສດຖະກິດ ແລະ ການຄ້າຂັ້ນສູງ” ລະຫວ່າງ ສະຫະພາບເອີຣົບ (ອີຢູ) ແລະ ຈີນ ໄດ້ດຳເນີນໃນວັນທີ 25 ກັນຍາ, ຢູ່ປັກກິ່ງ, ຈີນ. ໃນສະພາບການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງຝ່າຍ ພວມປະສົບກັບສິ່ງທ້າທາຍຫຼາຍຢ່າງ, ການເຈລະຈາຖືກຈັດຂຶ້ນເພື່ອແນໃສ່ຢັ້ງຢືນທີ່ຕັ້ງການພົວພັນຄູ່ຮ່ວມມືຍຸດທະສາດສອງຝ່າຍ, ຫຼຸດຜ່ອນຄວາມເຄັ່ງຕຶງດ້ານການຄ້າໃນໄລຍະມໍ່ໆມານີ້ ແລະ ຊຸກຍູ້ການພົວພັນນີ້ໃນໄລຍະຈະມາເຖິງ.
ທ່ານຮອງນາຍົກລັດຖະມົນຕີ ຈີນ ເຂືອຫຼີເຟິງ ແລະ ທ່ານ Valdis Dombrovskis ຮອງປະທານຄະນະກຳມະການເອີຣົບ ທັງເປັນກຳມະການດ້ານການຄ້າ EU ເປັນປະທານການເຈລະຈາ. ສອງຝ່າຍໄດ້ເຫັນດີເປັນເອກະພາບ ໂດຍຖືວ່າ ການເພີ່ມທະວີການເຈລະຈາສອງຝ່າຍ ແມ່ນບາດກ້າວເດີນສຳຄັນ ເພື່ອປັບປຸງການພົວພັນລະຫວ່າງ EU – ຈີນ.
TAG
VOV/VOVworld/ຈີນ/ເອີຣົບ/ການຄ້າ/ຮ່ວມມື/ດຸ່ນດ່ຽງ
Related
