(VOVWORLD) - ວັນທີ 16 ມີນາ, ວາລະຊັກຖາມ ແລະ ຕອບຄຳຊັກຖາມຄັ້ງທຳອິດຂອງຄະນະປະຈຳສະພາແຫ່ງຊາດຊຸດທີ XV ໄດ້ດຳເນີນໂດຍກົງຢູ່ຫໍສະພາແຫ່ງຊາດ (ຮ່າໂນ້ຍ) ແລະ ໄດ້ເຊື່ອມຕໍ່ທາງໄກກັບ ຄະນະສະມາຊິກສະພາແຫ່ງຊາດຢູ່ 62 ແຂວງ, ນະຄອນຂຶ້ນກັບສູນກາງ. ເນື້ອໃນການຊັກຖາມໄດ້ສຸມໃສ່ບັນຫາທີ່ຜູ້ມີສິດເລືອກຕັ້ງມີຄວາມສົນໃຈ ໃນຂົງເຂດອຸດສາຫະກຳການຄ້າ, ຊັບພະຍາກອນທຳມະຊາດ ແລະ ສິ່ງແວດລ້ອມ. ວາລະຊັກຖາມສືບຕໍ່ສະແດງໃຫ້ເຫັນ ການເຄື່ອນໄຫວຕິດຕາມກວດກາຂອງສະພາແຫ່ງຊາດ ແລະ ບັນດາອົງການຂອງສະພາແຫ່ງຊາດໄດ້ປະຕິບັດຢ່າງມີປະຊາທິປະໄຕ, ເປັນປະຈຳ, ຕິດແທດກັບພຶດຕິກຳຕົວຈິງ, ຕອບສະໜອງຄວາມຮຽກຮ້ອງຕ້ອງການ ແລະ ຄວາມມຸ່ງຫວັງປາດຖະໜາຂອງຜູ້ມີສິດເລືອກຕັ້ງ.