ການເລືອກຕັ້ງທົ່ວປະເທດກ່ອນກຳນົດເວລາຢູ່ ອີຕາລີ ໄດ້ດຳເນີນພາຍຫຼັງ 2 ກວ່າເດືອນ ທີ່ລັດຖະບານຂອງທ່ານນາຍົກລັດຖະມົນຕີ Mario Draghi ຕ້ອງປະກາດລາອອກຈາກຕຳແໜ່ງຍ້ອນຄວາມກົດດັນຢູ່ພາຍໃນປະເທດ. ຕາມໝາກຜົນການການປ່ອນບັດທີ່ໄດ້ປະກາດໃນວັນທີ 26 ກັນຍາ, ສຳພັນທະມິດຝ່າຍຂວາ ໂດຍພັກ FDI ຍາດໄດ້ໄຊຊະນະ ດ້ວຍຈຳນວນບ່ອນນັ່ງສ່ວນຫຼາຍຢູ່ທັງສະພາຕ່ຳ ແລະ ສະພາສູງ ຂອງສະພາແຫ່ງຊາດ ອີຕາລີ ໃນອາຍຸການໃໝ່. ສຳພັນທະມິດຝ່າຍຊ້າຍຢູ່ ອີຕາລີ ໂດຍພັກປະຊາທິປະໄຕ PD ນຳພາ ໄດ້ອອກສຽງຍອມຮັບປະລາໄຊ, ພ້ອມທັງຖະແຫຼງວ່າ ຈະແມ່ນກຳລັງທີ່ເປັນປໍລະປັກໃຫຍ່ທີ່ສຸດໃນລັດຖະສະພາ ອີຕາລີ. ໝາກຜົນນີ້ ເຮັດໃຫ້ສະພາບການເມືອງ ຢູ່ ອີຕາລີ ມີການປ່ຽນແປງໂດຍພື້ນຖານ ກ່ຽວກັບຄວາມດຸນດ້ານກຳລັງ, ໝາຍຄວາມວ່າ ຈະມີການປັບປຸງຢ່າງເລິກເຊິ່ງກ່ຽວກັບນະໂຍບາຍເສດຖະກິດ ແລະ ການຕ່າງປະເທດຂອງປະເທດສະມາຊິກ ອີຢູ ໃນໄລຍະຈະມາເຖິງ.