(VOVWORLD) - ວິວັດການເຊື່ອມໂຍງເຂົ້າກັບສາກົນທີ່ນັບມື້ນັບເລິກເຊິ່ງກ້ວາງຂວາງນັ້ນ ພວມວາງອອກສິ່ງທ້າທາຍຫຼາຍປະການສຳລັບກຳລັງແຮງງານ ຊື່ງກຳລັງຫຼັກແຫຼ່ງແມ່ນຖັນແຖວກຳມະກອນຫວຽດນາມ. ໃນນັ້ນ, ບັນຫາແມ່ນເຮັດແນວໃດເພື່ອໃຫ້ກຳລັງກຳມະກອນ, ຜູ້ອອກແຮງງານ ສາມາດນຳທັນ ແລະ ຕອບສະໜອງໄດ້ບັນດາຄວາມຮຽກຮ້ອງຕ້ອງການອັນຮີບດ່ວນຂອງການປະຕິວັດອຸດສາຫະກຳ 4.0 ກໍ່ຄືບັນດາມາດຕະຖານທີ່ເຄັ່ງຄັດ ຂອງບັນດາສັນຍາການຄ້າເສລີລຸ້ນໃໝ່ ແມ່ນບັນຫາທີ່ໃຫ່ຍ, ຮຽກຮ້ອງໃຫ້ມີບັນດາການປ່ຽນແປງໂດຍພື້ນຖານທັງດ້ານແນວຄວາມຄິດ ແລະ ການກະທຳຕົວຈິງ.