(VOVWORLD) -ເລີ່ມຕົ້ນຖ້ຽວບິນທຳອິດຮັບສົ່ງພົນລະເມືອງຫວຽດນາມ ຈາກ ອູ່ຫັນ (ຈີນ) ກັບມາປະເທດ, ມາຮອດປະຈຸບັນ ບັນດາອົງການທີ່ມີຫນ້າທີ່ຮັບຜິດຊອບ ພ້ອມກັບບັນດາອົງການຜູ້ຕາງຫນ້າຫວຽດນາມ ຢູ່ ຕ່າງປະເທດ ໄດ້ສົມທົບກັນຢ່າງແຫນ້ນແຟ້ນກັບບັນດາອົງການທີ່ມີຫນ້າທີ່ຮັບຜິດຊອບຂອງບັນດາປະເທດ, ອົງການຈັດຕັ້ງ ໄດ້ຈັດສົ່ງພົນລະເມືອງຫວຽດນາມ ກວ່າ 16.000 ຄົນທີ່ພວມດຳລົງຊີວິດ ເຮັດວຽກ ຢູ່ ຫລາຍກວ່າ 50 ປະເທດ, ເຂດແຄ້ວນໃນ 5 ທະວີບ ກັບຄືນມາປະເທດ. ສິ່ງນີ້ສະແດງໃຫ້ເຫັນຄວາມເອົາໃຈໃສ່ ຊ່ວຍເຫລືອ ພໍ່ແມ່ປະຊາຊົນຫວຽດນາມຢ່າງສຸດຈິດສຸດໃຈ ໃນຊ່ວງເວລາເກີດໂລກລະບາດ ແລະ ນະໂຍບາຍມະນຸດສະທຳສະເພາະຂອງພັກ ແລະ ລັດຖະບານຫວຽດນາມ ໂດຍບໍ່ຫົວຊາຕໍ່ບັນດາຖ້ອຍທຳນອງເສກສັນປັ້ນແຕ່ງໂດຍມີຄວາມຕັ້ງໃຈກ່ຽວກັບມູນເຊື້ອມະນຸດສະທຳຂອງຊາວຫວຽດນາມ