(VOVWORLD) -ທ້າຍອາທິດຜ່ານມາ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະ ທ່ານຮອງນາຍົກລັດຖະມົນຕີຜູ້ປະຈໍາການລັດຖະບານຫວຽດນາມ ເຈືອງຮວ່າບິ່ງ ໄດ້ມີການພົບປະສັງສັນຄັ້ງຕ່າງໆກັບພໍ່ແມ່ພີ່ນ້ອງຊາວເຜົ່າຂະແມຢູ່ 4 ແຂວງ, ນະຄອນ ທາງພາກໃຕ້ຫວຽດນາມ ເນື່ອງໃນໂອກາດບຸນປີໃໝ່ Chol Chnam Thmay. ທີ່ບັນດາເຫດການດັ່ງກ່າວ, ການນໍາລັດຖະບານ ຕ່າງກໍເນັ້ນໜັກເຖິງບົດບາດສໍາຄັນຂອງພໍ່ແມ່ພີ່ນ້ອງຊາວເຜ່ົາຂະແມໃນພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດ. ພ້ອມທັງສະແດງຄວາມປາດຖະໜາວ່າ ພໍ່ແມ່ພີ່ນ້ອງຊາວເຜົ່າຂະແມ ຈະສືບຕໍ່ປະກອບສ່ວນກໍາລັງເຫື່ອແຮງຂອງຕົນເພື່ອຄວາມຮຸ່ງເຮືອງສີວິໄລຂອງທົ່ວປວງຊົນທັງຊາດ. ສິ່ງດັ່ງກ່າວ ໄດ້ສະແດງໃຫ້ເຫັນຄວາມເອົາໃຈໃສ່ເປັນພິເສດຂອງການນໍາຫວຽດນາມທີ່ມີຕໍ່ພໍ່ແມ່ພີ່ນ້ອງຊາວເຜົ່າຂະແມເວົ້າສະເພາະ ແລະ ບັນດາສາສະໜາອື່ນໆເວົ້າລວມ, ປະກອບສ່ວນເຂົ້າໃນການປັບປຸງກຸ່ມກ້ອນມະຫາສາມັກຄີີທົ່ວປວງຊົນທັງຊາດ.