ພັດທະນາແບບຍືນຍົງ ເພື່ອບໍ່ໃຫ້ໃຜຖືກປະໄວ້ຢູ່ທາງຫຼັງ
19/07/2019 09:26
(VOVWORLD) - ວັນທີ 17 ກໍລະກົດ, ຜູ້ຕາງໜ້າຫວຽດນາມ ຫາກໍ່ແບ່ງປັນປະສົບການຂອງຕົນໃນການສົມທົບບັນດາເປົ້າໝາຍພັດທະນາແບບຍືນຍົງ (SDGs) ເຂົ້າໃນການວິວັດການສ້າງແຜນການ ແລະ ຍຸດທະສາດພັດທະນາເສດຖະກິດ-ສັງຄົມ ໃນກອງປະຊຸມຂັ້ນສູງຂອງສະພາເສດຖະກິດ-ສັງຄົມ ສປຊ (ECOSOC), ເຊິ່ງຖືກຈັດຂຶ້ນທີ່ ສໍານັກງານ ສປຊ ຢູ່ ນິວຢອກ, ປະເທດອາເມລິກາ. ບັນດາຜົນງານຂອງຫວຽດນາມໃນການພັດທະນາເສດຖະກິດ ແລະ ຮັບປະກັນການພັດທະນາເສດຖະກິດ-ສັງຄົມໃນບົດລາຍງານຄວາມມຸ່ງມາດປາດຖະໜາຂອງຫວຽດນາມ ກ່ຽວກັບການປະຕິບັດບັນດາເປົ້າໝາຍພັດທະນາແບບຍືນຍົງ ປີ 2018 ຢູ່ໃນທີ່ກອງປະຊຸມນີ້ ແມ່ນໄດ້ຮັບການຕີລາຄາສູງຈາກປະຊາຄົມສາກົນ.
ຫວຽດນາມ ໄດ້ປະກາດໃຊ້ຍຸດທະສາດພັດທະນາແບບຍືນຍົງໄລຍະ 2011 – 2020 ເພື່ອແນໃສ່ເປົ້າໝາຍເຕີບໂຕແບບຍືນຍົງ, ມີປະສິດທິຜົນ ໄປຄຽງຄູ່ກັບຄວາມກ້າວໜ້າ, ຍຸຕິທໍາໃນສັງຄົມ, ປົກປັກຮັກສາຊັບພະຍາກອນ ແລະ ສິ່ງແວດລ້ອມ, ຮັກສາສະຖຽນລະພາບທາງດ້ານການເມືອງ-ສັງຄົມ, ປົກປັກຮັກສາເອກະລາດ, ອະທິປະໄຕ, ເອກະພາບ ແລະ ຜືນແຜ່ນດິນອັນຄົບຖ້ວນຂອງປະເທດຊາດໄວ້ໃຫ້ໝັ້ນຄົງ. ນີ້ແມ່ນການກໍານົດທິດສໍາຄັນເພື່ອໃຫ້ຫວຽດນາມ ບັນລຸໄດ້ບັນດາໝາກຜົນທີ່ເປັນໜ້າປະທັບໃຈໃນການພັດທະນາແບບຍືນຍົງ ເພື່ອບໍ່ໃຫ້ໃຜຖືກປະໄວ້ຢູ່ທາງຫຼັງໃນຕະຫຼອດໄລຍະຜ່ານມາ.
TAG
VOV/VOVworld/ພັດທະນາແບບຍືນຍົງ/ສະບຽງອາຫານ
Related
