(VOVWORLD) - ວັນທີ 25 ພຶດສະພາ, ກອງປະຊຸມສະໄໝສາມັນເທື່ອທີ 9, ສະພາແຫ່ງຊາດຫວຽດນາມຊຸດທີ 14 ໄດ້ກ້າວເຂົ້າສູ່ໃນການເຮັດວຽກອາທິດທີ 2. ຮູບແບບປະຊຸມທາງອອນລາຍ ສືບຕໍ່ໄດ້ດໍາເນີນໃນອາທິດນີ້. ນີ້ແມ່ນຄັ້ງທໍາອິດໃນຮອບໄລຍະເວລາກວ່າ 70 ປີຜ່ານມາ, ສະພາແຫ່ງຊາດຫວຽດນາມ ໄດ້ຈັດກອງປະຊຸມທາງອອນລາຍເປັນເວລາຫຼາຍວັນຢ່າງລຽນຕິດ. ຮູບແບບນີ້ ບໍ່ພຽງແຕ່ແມ່ນການປັບຕົວໃຫ້ແທດເໝາະເຂົ້າກັບສະພາບການເກີດໂລກລະບາດໂຄວິດ - 19 ເທົ່ານັ້ນ ຫາກຍັງສ້າງພ້ືນຖານໃຫ້ແກ່ບາດກ້າວແຫ່ງການປ່ຽນແປງໃໝ່ໃນການເຄື່ອນໄຫວຂອງສະພາແຫ່ງຊາດໃນສັງກາດ 4.0 ອີກດ້ວຍ.