 (ທ່ານປະທານສະພາແຫ່ງຊາດ ເຈິ່ນແທັງເໝີ້ນ ກ່າວຄຳເຫັນທີ່ກອງປະຊຸມ) |
ຕອນບ່າຍວັນທີ 21 ມີນາ, ທ່ານ ເຈິ່ນແທັງເໝີ້ນ, ປະທານສະພາແຫ່ງຊາດ ຫວຽດນາມ, ປະທານສະພາເລືອກຕັ້ງແຫ່ງຊາດ ເປັນປະທານກອງປະຊຸມຄັ້ງທີ 5, ສະພາເລືອກຕັ້ງແຫ່ງຊາດ. ກ່າວຄຳເຫັນທີ່ກອງປະຊຸມ, ທ່ານປະທານສະພາແຫ່ງຊາດ ເຈິ່ນແທັງເໝີ້ນ ເນັ້ນໜັກວ່າ ການເລືອກຕັ້ງສະມາຊິກສະພາແຫ່ງຊາດຊຸດທີ 16 ແລະ ສະມາຊິກສະພາປະຊາຊົນທຸກຂັ້ນ ອາຍຸການ 2026 – 2031 ທີ່ຈັດຂຶ້ນໃນວັນທີ 15 ມີນາ ຜ່ານມາ ແມ່ນໜຶ່ງໃນບັນດາການເລືອກຕັ້ງມີຂອບຂະໜາດໃຫຍ່, ກວ້າງຂວາງ, ມີຄວາມຮຽກຮ້ອງສູງສຸດ ໄດ້ປະສົບຜົນສຳເລັດຢ່່າງຈົບງາມ; ເຫດການແມ່ນວັນບຸນໃຫຍ່ຂອງຊາດຢ່າງແທ້ຈິງ; ຮັບປະກັນໄດ້ລັກສະນະປະຊາທິປະໄຕ, ສະເໝີພາບ, ຖືກຕ້ອງຕາມກົດໝາຍ, ປອດໄພ, ປະຢັດ ແລະ ແທດຈິງ.
ທ່ານປະທານສະພາແຫ່ງຊາດ ເຈິ່ນແທັງເໝີ້ນ ເນັ້ນໜັກວ່າ:
“ສິ່ງສຳຄັນທີ່ສຸດ, ຜູ້ມີສິດເລືອກຕັ້ງໃນທົ່ວປະເທດມີຄວາມປິຕິຊົມຊື່ນເມື່ອໄດ້ໄປປ່ອນບັດຢ່າງຄົບຖ້ວນ, ເລືອກເອົາບັນດາຜູ້ທີ່ເໝາະສົມ ເພື່ອເລືອກຕັ້ງເປັນສະມາຊິກສະພາແຫ່ງຊາດ ແລະ ສະພາປະຊາຊົນທຸກຂັ້ນ. ຜ່ານບົດຂຽນຂອງ ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ຫວັງວ່າ ສະມາຊິກສະພາແຫ່ງຊາດ ແລະ ສະພາປະຊາຊົນທຸກຂັ້ນ ຈະປະຕິບັດລ້ອນໜ້າທີ່ ແລະ ຄຳໝັ້ນສັນຍາຂອງຕົນຕໍ່ກັບຜູ້ມີສິດເລືອກຕັ້ງ ແລະ ປະຊາຊົນເມື່ອໄດ້ອອກສະໝັກຮັບເລືອກຕັ້ງ. ທ່ານເລຂາທິການໃຫຍ່, ທົ່ວພັກ, ທົ່ວກອງທັບ, ທົ່ວປວງຊົນ ໄດ້ຕັ້ງຄວາມຫວັງຫຼາຍຢ່າງຕໍ່ກັບສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນ”.
ກໍ່ທີ່ກອງປະຊຸມ, ສະພາເລືອກຕັ້ງແຫ່ງຊາດໄດ້ລົງຄະແນນສຽງຮັບຮອງເອົາບົດສະຫຼຸບການເລືອກຕັ້ງ ແລະ ມະຕິປະກາດໝາກຜົນການເລືອກຕັ້ງ.
ຕອນບ່າຍວັນດຽວກັນ, ສະພາເລືອກຕັ້ງແຫ່ງຊາດ ໄດ້ຈັດກອງປະຊຸມປະກາດມະຕິຂອງສະພາເລືອກຕັ້ງແຫ່ງຊາດ ກ່ຽວກັບໝາກຜົນການເລືອກຕັ້ງ ແລະ ບັນຊີລາຍຊື່ຜູ້ໄດ້ຮັບການເລືອກຕັ້ງເປັນສະມາຊິກສະພາແຫ່ງຊາດ ຊຸດທີ 16. ຕາມບັນຊີລາຍຊື່ທີ່ສະພາເລືອກຕັ້ງແຫ່ງຊາດປະກາດ, ທ່ານເລຂາທິການໃຫຍ່ ໂຕເລິມ ແລະ ກຳມະການກົມການເມືອງ, ຄະນະເລຂາທິການ ລ້ວນແຕ່ໄດ້ຮັບການເລືອກຕັ້ງເປັນສະມາຊິກສະພາແຫ່ງຊາດຊຸດທີ 16.
