ກອງປະຊຸມສະຫຼຸບຂອງຄະນະຂົນຂວາຍປະຊາຊົນສູນກາງປີ 2011
ວັນທີ 13/1, ຢູ່ນະຄອນດ່າໜັງ, ຄະນະຂົນຂວາຍປະຊາຊົນສູນກາງ ໄດ້ຈັດງຕັ້ງກອງປະຊຸມສະຫຼຸບວຽກງານປີ 2011 ແລະ ພິຈາລະນາທິດທາງ, ໜ້າທີ່ ປີ 2012. ປີ 2011, ຄະນະຂົນຂວາຍ ປະຊາຊົນສູນກາງ ແລະ ຄະນະຂົນຂວາຍປະຊາຊົນທຸກຂັ້ນໄດ້ຕັ້ງໜ້າເປັນເສລາທິການໃຫ້ແກ່ອົງຄະນະພັກຂັ້ນຕ່າງໆ ຊີ້ນຳ, ນຳພາ, ຂົນຂວາຍປະຊາຊົນທຸກຊັ້ນວັນນະຍູ້ແຮງຂະບວນການແຂ່ງຂັນຮັກຊາດ, ປະກອບສ່ວນປະຕິບັດບັນດາມາດຕະການຂອງລັດຖະບານກ່ຽວກັບການຄວບຄຸບໄພເງິນເຟີ້, ຮັບປະກັນຊີວິດສັງຄົມຢ່າງມີປະສິດທິຜົນ. ປີ 2012, ຄະນະຂົນຂວາຍປະຊາຊົນສູນກາງໄດ້ວາງອອກ 8 ໜ້າທີ່ຈຸດສຸມ ແລະ 6 ມາດຕະການຕົ້ນຕໍ່ ເພື່ອແນໃສ່ປະຕິບັດມະຕິກອງປະຊຸມໃຫຍ່ທົ່ວປະເທດພັກກອມມູນິດຫວຽດນາມຄັ້ງທີ 11 ແລະ ແຜນການພັດທະນາເສດຖະກິດ - ສັງຄົມ. ທ່ານ ຫງວຽນແທ໋ຈູງ, ຮອງຫົວໜ້າຄະນະຂົນຂວາຍປະຊາຊົນສູນກາງ ຊີ້ແຈງວ່າ:
“ປີ 2012, ທີ່ 1 ແມ່ນຕ້ອງສົມທົບລະຫວ່າງຄະນະຂົນຂວາຍປະຊາຊົນສູນກາງ ແລະ ທຸກຂັ້ນ, ທຸກຂະແໜງການ ເພື່ອເປັນເສນາທິການ, ກໍ່ສ້າງແຜນຮ່າງກ່ຽວກັບການເພີ່ມທະວີການນຳພາຂອງພັກທີ່ມີຕໍ່ວຽກງານຂົນຂວາຍໝູ່ມະຫາຊົນໃນສະພາບການໃໝ່. ເນື້ອໃນທີ່ 2 ແມ່ນສົມທົບກັບສະຫຼຸບ 5 ປີແຫ່ງການປະຕິບັດມະຕິເລກທີ 11 ຂອງກົມການເມືອງຊຸດທີ 10ກ່ຽວກັບວຽກງານແມ່ຍິງ. ມີເນືອໃນໜຶ່ງອີກນັ້ນແມ່ນສືບຕໍ່ຕິດຕາມກວດກາບັນດາມະຕິຂອງສູນກາງ, ກົມການເມືອງກ່ຽວກັບວຽກງານສາສະໜາ, ຂົນຂວາຍໝູ່ມະຫາຊົນ…”
