( ພາບ : http://moj.gov.vn )
(vovworld) ວັນທີ 31/1, ລັດຖະບານໄດ້ຈັດກອງປະຊຸມສະຫລຸບການປະຕິບັດລັດຖະທຳມະນູນປີ 1992 ຢູ່ນະຄອນໂຮ່ຈິມິນ. ກອງປະຊຸມລວບລວມບັນດາຄຳວິຈານ, ວິເຄາະກ່ຽວກັບການປະຕິບັດລັດຖະທຳມະນູນປີ 1992 ໃນເວລາເກືອບ 20 ປີກໍຄືວິວັດການພັດທະນາ, ສ້າງລະບົບກົດໝາຍໃນໄລຍະທີ່ຜ່ານມາໃຫ້ສົມບູນແບບ. ນີ້ຈະແມ່ນພື້ນຖານສຳຄັນ ເພື່ອຊ່ວຍໃຫ້ລັດຖະບານມີບັນດາຂໍ້ສະເໜີກ່ຽວກັບທິດສະດີ ແລະພຶດຕິກຳຕົວຈິງໃຫ້ແກ່ການປັບປຸງ, ເພີ່ມເຕີມລັດຖະທຳມະນູນໃນໄລຍະທີ່ຈະມາເຖິງ. ບັນດາຜູ້ຊ່ຽວຊານຂອງຄະນະປັບປຸງ, ເພີ່ມເຕີ່ມ ລັດຖະທຳມະນູນປີ 1992 ພວມຮີບເຮັ່ງເຮັດສຳເລັດບັນດາບົດລາຍງານ, ຂໍ້ສະເໜີກ່ຽວກັບລັດຖະທຳມະນູນສະບັບປັບປຸງ ເພື່ອຍື່ນຄະນະກຳມະການຮຽບຮຽງປັບປຸງ, ເພີ່ມເຕີມ ລັດຖະທຳມະນູນປີ 1992. ບັນດາຄຳວິເຄາະ, ຂໍ້ສະເໜີຂອງວົງການນັກຊ່ຽວຊານ ຈະແມ່ນພື້ນຖານເພື່ອໃຫ້ຄະນະກຳມະການດັ່ງກ່າວ ລາຍງານຕໍ່ກົມການເມືອງ ຫລັງຈາກນັ້ນ ກົມການເມືອງຈະລາຍງານຕໍ່ກອງປະຊຸມສູນກາງພັກຄັ້ງຫລ້າສຸດ ເພື່ອຕົກລົງກ່ຽວກັບບັນດາເນື້ອໃນການກຳນົດທິດໃຫ່ຍໃຫ້ແກ່ການປັບປຸງລັດຖະທຳມະນູນປີ 1992.
