(ພາບ:http://www.vietnamplus.vn)
ນັກຂ່າວວິທະຍຸກະຈາຍສຽງຫວຽດນາມປະຈຳຈີນລາຍງານວ່າ: ວັນທີ 28/11, ຄະນະຜູ້ແທນພັກກອມມູນນິດຫວຽດນາມໂດຍທ່ານ ດິງເທຮິງ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ, ປະທານສະພາທິດສະດີສູນກາງເປັນຫົວໜ້າຄະນະ ໄດ້ເຂົ້າຮ່ວມກອງປະຊຸມສຳມະນາທິດສະດີຄັ້ງທີ 7 ລະຫວ່າງພັກກອມມູນນິດຫວຽດນາມ ແລະ ພັກກອມມູນນິດຈີນ ຊື່ງໄດ້ດຳເນີນໄປຢູ່ນະຄອນຈຽງເຈົາ, ແຂວງຈຽງຊູ ປະເທດຈິນດ້ວຍຫົວຂໍ້: “ປະຕິບັດວຽກງານມະຫາຊົນເປັນຢ່າງດີ ໃນສະພາບການໃໝ່-ບົດຮຽນຂອງຈິນ, ບົດຮຽນຂອງຫວຽດນາມ.” ທ່ານດິງເທຮິງ ຫົວໜ້າຄະນະຜູ້ແທນຫວຽດນາມມີບົດກ່າວຄຳເຫັນກ່ຽວກັບ “ພັກກອມມູນນິດຫວຽດນາມກັບວຽກງານມະຫາຊົນ-ພຶດຕິກຳຕົວຈິງ ແລະບາງບົດຮຽນ”. ໃນວັນດຽວກັນ, ທີ່ການພົບປະເຈລະຈາລະຫວ່າງທ່ານດິງເທຮິງ ແລະທ່ານຫລີວເວີນຊານ, ກຳມະການກົມການເມືອງ, ເລຂາຄະນະເລຂາ, ຫົວໜ້າຄະນະໂຄສະນາສູນກາງ, ຫົວໜ້າຄະນະຜູ້ແທນພັກກອມມູນນິດຈີນ, ສອງຝ່າຍໄດ້ຢັ້ງຢືນຄວາມສຳຄັນຂອງສາຍພົວພັນມິດຕະພາບອັນເປັນມູນເຊື້ອ, ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດຫວຽດນາມ ແລະຈີນ.
